31:114  alios  torqueant,  sed  potius  devotio  proprii  capitis:  quia  non  dubitant  sibi  quidvis  imprecari,  quo  melius  fallant.  Ideoque  non  male  a  quibusdam  vertitur  Periurium,  debet  enim  hoc  nomen  allis  duobus  coniungi.  Maledicunt  ergo,  quatenus  ad  fraudandum  et  nocendum  expedit:  hinc  molestia  et  iniquitas,  quia  laqueos  ex  dolis,  periuriis,  et  malitia  contextos,  sine  suo  incommodo  simplices  effugere  nequeunt.  8.  (Sedebit  in  insidiis.)  Verba  futuri  temporis,  quia  continuum  actum  designant,  consulto  in  aliud  tempus  mutare  nolui:  quia  hic  hebraismus  in  alias  quoque  linguas  manavit.  Describit  ergo  David  quid  facere  soleant  impii.  Ac  primo  quidem  latronibus  eos  comparat,  qui  viarum  angustias  obsident,  et  latebras  sibi  deligunt,  ex  quibus  incautos  viatores  deprehendant.  Dicit  etiam  oculos  eorum  intentos  esse,  similitudine  a  iaculatoribus  sumpta,  qui  collimant,  semiclausis  oculis,  ut  rectius  feriant.  Neque  vero  hic  de  vulgo  latronum  sermo  est:  sed  in  magnos  praedones  stylum  dirigit,  qui  sub  honorificis  titulis,  pompaque  et  splendere  flagitia  sua  occultant.  Ideo  D^H^n  nonnulli  vertunt  palatia:  quasi  David  eos  ex  magnificis  atriis  spoliaria  fecisse  dicat,  in  quibus  miseros  homines  ingulent.  Ego  vero  ut  allusionem  esse  concedam,  continuum  tamen  similitudinis  filum  retineo:  atque  ita  interpretor,  non  secus  ac  latrones  villarum  exitus  obsident,  ita  istos,  ubicunque  sint,  suas  insidias  tendere.  Proximo  versu  alia  comparatione  eorum  saevitiam  gravius  exaggerat,  dicens  eos  ad  praedam  inhiare  non  secus  ac  leones  in  suis  lustris:  aequare  vero  truculentas  bestias,  maior  est  immanitas,  quam  latronum  more  grassari.  Notandum  autem  quod  fraudes  et  insidias  semper  violentiae  coniungit,  ut  clarius  exprimat,  modi��  omnibus  miseros  fore  Dei  filios,  nisi  coelesti  auxilio  iuventur.  Additur  etiam  altera  similitudo  quae  dolosas  captiones  saevitia  mixtas  clarius  exprimat.  Dicit  enim  eos  rapere,  sed  in  rete  suum  trahendo,  quibus  verbis  intelligit,  non  modo  aperta  vi  et  impetu  ipsos  ruere,  sed  simul  tendere  quoque  retia  quibus  decipiant.  Hoc  totum  decimo  versu  rursus  inculcat,  gestum  ipsum  quasi  per  hypotyposin  oculis  subiiciens.  Atterunt  se,  inquit,  et  demittunt,  ne  scilicet  truculentia  sua  procul  terreant:  quia  potius  illecebris  suis  captare  volunt  quos  non  possunt  nisi  propiore  accessu  laedere.  Videmus  ut  duo  simul  coniungat,  aucupia  vel  decipulas:  deinde  subitam  violentiam,  quoties  in  illorum  manus  incidit  praeda.  Nam  secunda  parte  intelligit,  saevo  impetu  praeter  spem  irruere,  dum  simplices  vident  suae  libidini  esse  obnoxios,  ac  si  leo  ex  sua  cubatione  furiose  consurgeret  ad  praedam  lacerandam.  Sensus  apertus  est,  undique  metuendos  esse  impios,  quia  suam  crudelitatem  dissimulant,  donec  plagis  suis  irretitos  teneant  quos  vorare  cupiunt.  In  verbis  8