30:114  ratione  in  numerum  filiorum  ipsius  admitti:  quod  sane  fieri  non  potuit  sanguine  bestiarum  fuso.  Ac  proinde  non  abs  re  dicit  Ieremias  sacrificia  nullius  esse  momenti,  neque  reliquas  omnes  figuras  externas,  sed  eas  esse  potius  abominationi  coram  Deo.  Quid  ita  vero?  Nempe  obedientia  per  se  mater  est  omnis  virtutis,  et  sacrificia  sunt  tanquam  appendices  quibus  ad  Deum  quaerendum  incitamur  et  inducimur.  Namque  angeli  beati  nulla  unquam  habuerunt  sacrificia,  quorum  tamen  conditio  non  ideo  deterior  est:  quemadmodum  hodie,  neque  coenam  neque  baptismum  habent.  Et  tamen  conditio  nostra  non  ideo  melior  est  quam  ipsorum:  quandoquidem  ista  nobis  propter  infirmitatem  nostram  data  sunt:  quoniam  non  apprehendimus  spirituale  lavacrum  in  sanguine  Domini  nostri  Iesu  Christi,  nisi  visibili  signo  aliquo  nobis  repraesentetur.  Et  ignoramus  quid  sit  nutriri  corpore  et  sanguine  ipsius,  nisi  visibilia  panis  et  vini  symbola  nobis  exhibeantur,  quandoquidem  sensus  noster  rudis  est,  et  nos  terreni  sumus.  Itaque  apparet  veterem  illum  populum  opus  habuisse  propter  infirmitatem  illis  figuris:  sed  tamen  verum  sacrificiorum  usum  oportuisse  spectari  ab  illis  certum  est.  Deus  enim  spiritus  est,  quare  et  in  spiritu  et  veritate  vult  coli.  Quamobrem  Dei  cultus  rationem  in  eo  maxime  positam  esse  sciamus,  ut  Deo  nos  totos  dedicemus,  et  nobis  ipsis  renunciemus,  in  Deo  solo  acquiescamus,  et  salutem  nostram,  gaudium  et  felicitatem  in  1110  uno  quaeramus  :  ne  vanis  nostris  speculationibus  efferamur:  sed  ad  illum  unum  precibus  et  orationibus  confugiamus:  et  pro  acceptis  beneficiis  gratias  1111  immortales  agamus:  et  cum  proximis  candide  et  sincere  conversemur.  Ista,  inquam,  omnia  cultus  Dei  nomine  continentur.  Ecquis  ergo  est  nobis  hodie  reliquus  sacrificiorum  usus?  Nullus  sane.  Sunt  enim  abrogata.  Verum  quoniam  terreni  adhuc  sumus  et  crasso  et  stupido  ingenio,  quibusdam  adminiculis  nos  ad  Dominum  adduci  necesse  est.  Atque  ista  quidem  sufficiunto  :  sed  praeterea  notemus  a  Deo  saepe  reiici  oblatos  sibi  cultus  ab  hominibus  propter  ipsorum  peccata.  Nam  iam  inde  ab  omni  aevo  studuerunt  homines  Deo  imponere,  et  caeremoniis  externis  illi  satisfacere  atque  illi  quemcunque  libuit  cultum  affingere.  Unde  apparet  hominum  ingenium  adversus  veritatem  semper  pugnantium  :  non  modo  vanas  sibi  superstitiones  fingentium,  sed  etiam  quae  a  Deo  instituta  sunt  corrumpendum,  et  omnino  contra  ipsius  voluntatem  usurpantium.  Itaque  saepe  a  vero  Dei  cultu  videas  homines  recedere,  quum  sibi  modo  hunc,  modo  illum,  ritum  imaginantur:  ut  fit  in  papatu,  ubi  Dei  cultum  nominant  illa  nescio  quae  ridicula  et  ludicra  in  Satanae  officina  excusa  inventa,  caeremonias  inquam  et  pompam  externam,  quae  deinde  omnia  hominum  audacia  pertinaciter  retinuit.  Idem  Iudaei