27:114  il  desadvoue  tout,  il  le  reiette,  et  le  deteste.  Voila  donc  ce  que  nous  avons  a  retenir  de  ce  passage:  c'est  puis  que  Dieu  nous  a  fait  ceste  grace,  que  nous  ayons  sa  parolle  pour  nous  conduire,  qu'un  chacun  soit  vigilant:  et  que  puis  que  nous  sommes  tant  debiles,  qu'il  ne  faut  rien  pour  nous  transporter:  que  d'autant  plus  nous  soyons  attentifs  de  profiter  iournellement  en  sa  parolle.  Et  cependant  que  nous  ayons  aussi  cela  tout  persuade,  qu'il  ne  suffit  point  de  cuider  bien  faire:  car  si  nous  sommes  seduits,  nous  n'avons  rien  gagne,  nostre  cause  n'en  est  point  meilleure  devant  Dieu.  Et  ainsi  apprenons  a  le  prier  qu'il  nous  esclaire.  Et  cependant  que  nous  cognoissions,  puis  que  Dieu  nous  a  declaire  sa  volonte,  qu'il  nous  faut  tenir  du  tout  a  icelle,  sans  y  rien  adiouster.  Voila  donc  en  somme  ce  que  nous  avons  a  retenir  de  ce  passage  de  Moyse.  Or  il  adiouste  quant  et  quant:  Qu'on  mette  en  son  coeur  ce  qu'il  propose,  et  qu'un  chacun  mesmes  en  face  memorial:  comme  s'il  avoit  des  br  acelets  en  ses  mains,  comme  s'il  avoit  quelque  parement  en  sa  teste,  qu'a  l'entree  de  sa  porte  il  mette  quelque  souvenance,  afin  que  cela  luy  soit  occasion  de  penser  a  la  Loy  de  Dieu:  que  quand  on  se  leve  de  matin,  qu'on  se  couche  le  soir,  qu'on  en  parle,  et  qu'on  en  devise,  que  les  enfans  y  soyent  enseignez.  Or  par  ceci  Moyse  declaire  encores  mieux,  que  si  les  hommes  ne  sont  retenus  quasi  par  force,  qu'incontinent  ils  eschapperont  a  Dieu.  Comme  quand  on  pensera  avoir  apprivoiso  un  renard,  si  on  le  laisse  un  demi  iour,  il  retourne  incontinent  a  son  naturel.  Ainsi  en  est-il  de  nous,  que  nous  Bommes  si  farouches,  qu'encores  que  quelque  espace  de  temps  il  ait  semble  que  nous  estions  du  tout  reduits  a  Dieu,  et  bien  reformez:  qu'on  tourne  la  main,  et  voila  tout  oublie.  Et  ainsi  il  faut  que  nostre  Seigneur  nous  admonneste  (comme  il  fait  en  ce  passage)  de  tousiours  nous  solliciter,  et  nous  contraindre,  et  de  cercher  tous  moyens,  et  aides,  pour  nous  tenir  comme  captifs  sous  son  obeissance.  Voila  pourquoy  il  dit  qu'on  face  des  fronteaux,  comme  si  on  paroit  sa  teste:  au  lieu  que  les  hommes  quelque  fois  portent  des  medalles,  des  boutons,  et  choses  semblables:  que  les  femmes  ont  leurs  dorures,  et  autres  paremens,  que  la  parure  des  fidelles  ce  soit  d'avoir  quelque  memorial  de  la  Loy  de  Dieu:  au  lieu  des  bracelets,  et  autres  menus  fatras,  pour  se  parer  et  attiffer,  qu'on  prenne  un  parement  qui  soit  pour  nous  instruire  a  orner  nos  ames,  voire  et  nous  dedier  pleinement  a  Dieu,  et  nous  ranger  entierement  a  sa  parolle:  qu'au  lieu  qu'on  aura  des  bravetez  aux  maisons  pour  delices,  qu'on  ait  aussi  quelque  memorial,  pour  dire:  Voici  nostre  Dieu  qui  nous  appelle,  il  ne  veut  point  que  iamais  nous  le  mettions  en  oubli:  mais  encores  que  nous  l'ayons  oublie,  que  8