22:114  Lenfant  En  disant:  Ne  porte  point  faulx  tesmoignage  contre  ton  prochain.  Le  maistre.  Or  si  tu  n'offences  point  ton  prochain  en  aucune  chose  que  ce  soit  ne  en  sa  femme  ne  en  ses  enfans  ne  en  son  bien  particulier  ne  en  sa  renommee,  pense  tu  avoir  garde  tous  ces  commandemens  icy?  Lenfant.  Nenny  mais  ie  luy  doibs  ayder  de  faict  et  de  conseil  comme  si  c'estoit  mon  propre  affaire.  Le  maistre.  Il  est  ainsi.  Pour  ce  tu  laymerois  comme  toymesme.  Que  commande  oultre  plus  le  Seigneur?  Lenfant  Ne  convoyte  point  la  maison  de  ton  prochain.  Le  maistre.  Que  signifient  ces  parolles?  Lenfant.  Que  ne  soyons  touchez  d'atilcun  desir  ou  pensee  de  mal.  Le  maistre.  Certes  si  tu  aymes  Dieu  sur  toutes  choses  et  ton  prochain  comme  toymesme  nulle  cupidite  ou  cogitation  de  mal  ne  te  surprendra.  Mais  peuls  tu  parvenir  en  ceste  vie  presente  en  si  grande  perfection?  Lenfant  Nostre  nature  est  si  corrumpue  quelle  n'a  aulcun  bien  mais  toute  remission  de  peche  et  toute  iustice  viennent  de  Christ.  Le  maistre.  Mets  doncques  toute  ta  fiance  en  luy  seul  et  demeure  en  luy  lequel  oste  de  toy  la  condemnation  de  la  Loy  a  laquelle  tu  ne  scaurois  iamais  satisfaire.  Iceluy  aussi  te  vueille  enflamber  le  desir  et  affection  envers  sa  Loy.  Toutes  ces  choses  te  vueille  donner  nostre  Seigneur  Iesus  Christ  auquel  soit  honneur  et  gloyre  a  iamais.  Amen.  Calvini  opera.  Vol  XX1L