21:114  Dieu  en  telle  reverence,  qu'il  eust  mieux  aime  mourir  que  de  s'en  servir  d'appast  en  ambition  ou  avarice.  Il  a  dedie  plusieurs  de  ses  livres  a  quelques  personnes  privees1),  en  recognoissance  de  quelque  bien-fait  ou  d'amitie:  comme  son  Commentaire  sur  le  livre  de  Seneque,  dont  il  a  este  parle,  a  un  des  seigneurs  de  Mommor,  en  la  compagnie  desquels  il  avoit  este  entretenu  a  Paris  aux  escoles,  non  pas  toutesfois  a  leurs  despens:  sou  Commentaire  sur  l'Epistre  aux  Romains,  a  Simon  Grinee:  sur  la  premiere  aux  Corinthiens,  au  seigneur  Marquis  Caracciole:  sur  la  seconde,  a  Melchior  Volmar  son  precepteur  en  Grec:  sur  la  premiere  aux  Thessaloniciens,  a  Maturin  Cordier  son  regent  au  \h  6]  college  a  Paris  en  sa  premiere  ieunesse:  sur  la  seconde,  a  Benoist  Textor  son  medecin:  sur  l'Epistre  a  Tite,  a  ses  deux  singuliers  amis  et  compagnons  en  l'oeuvre  du  Seigneur  M.  Guillaume  Farel  et  M.  Pierre  Viret:  et  le  livre  des  scandales,  a  son  ancien  et  perpetuel  ami  Laurent  de  Normandie.  Quant  aux  autres,  dediez  a  quelques  Rois,  ou  Princes,  ou  Republiques,  son  but  estoit  d'encourager  les  uns  par  ce  moyen  a  perseverer  en  la  protection  des  enfans  de  Dieu,  et  y  inciter  les  autres.  Parquoy  aussi,  quand  il  a  veu  que  tels  personnages  faisoyent  tout  le  contraire,  ou  ne  prenoyent  pas  en  bonne  part  son  labeur,  il  n'a  point  fait  difficulte  d'oster  leurs  noms  pour  y  en  mettre  d'autres:  ce  qui  est  toutesfois  advenu  seulement  en  deux  ou  trois  prefaces.  Il  y  en  a  eu  aussi  qui  ont  bien  ose  se  desborder  iusques  la,  de  le  calomnier  de  paillardise.  Et  ce  seroit  merveille  qu'un  telle  mensonge  ait  peu  estre  forgee,  n'estoit  que  c'est  ainsi  que  le  monde  a  accoustume  de  faire  contre  les  plus  excellens  serviteurs  de  Dieu.  Mais  il  est  a  naistre  qui  iamais  en  ait  mesmes  soupconne  celuy  dont  nous  parlons  en  Lieu  ou  il  ait  converse.  Il  a  vescu  environ  neuf  ans  en  mariage,  en  toute  chastete.  Sa  femme  estant  decedee,  il  a  demeure  en  viduite  l'espace  d'environ  seize  ans,  et  iusques  a  la  mort.  En  tout  ce  temps-la,  qui  a  iamais  apperceu  le  moindre  signe  du  monde  d'une  telle  et  si  indigne  tache?  Et  qui  eust  este  la  vilaine  si  effrontee  qui  eust  ose  penser  a  regarder  sans  vergongne  un  tel  front,  si  venerable,  et  si  bien  tesmoignant  aux  hommes  qui  le  regardoyent  toute  purete  et  gravite?  qui  a  este  plus  rigoureux  ennemi  de  toute  paillardise?  Il  est  vray  que  le  Seigneur  l'a  exerce  sur  ce  faict  en  des  personnes  qui  le  touchoyent  de  pres.  Il  est  encores  pis  advenu  en  la  maison  de  Iacob  et  de  David  qu'a  celuy  dont  nous  parlons,  et  d'une  facon  bien  estrange.  Mais  qu'a  gagne  Satan  en  cest  endroit  sur  ce  fidele  serviteur  de  Dieu,  sinon  honte  et  vergongne  contre  Vol  XXI.  1)  particulieres  Fe