20:114  3997.  CALVINUS  DELPHINATIBUS.  Hortatur  ad  pacem  et  moderationem  ne  adversariis  praetextus  calumniarum  ultro  offeratur.  (Manu  scripta  non  exstat.  Edidit  Beza  Genev.  p.  274,  Laus*  p.  564,  Hanov.  p.  633,  Chouet  p.  375,  Amst.  p.  171.  .  Versio  gallica  in  ed.  Berol.  p.  382.  Textus  gallicus  authenticus  quem  Beza  vertit  non  exstat.)  Hactenus  ad  vos  non  scripsi,  dilectissimi  fratres,  quod  exspectarem  ut  res  inter  vos  paulo  melius  se  haberent:  quando  aliter  fieri  non  potest,  quam  ut  bellorum  exitus  plurima  satis  perturbata  et  inordinata  relinquat.  Nec  tamen  eam  omnium  restitutionem  sperabam,  in  qua  nihil  desideraretur  :  quum  nihil  tum  meis  literis  opus  fuisset.  Sed  quoniam  in  mediis  illis  fervoribus  non  ita  me  a  vobis  commode  auditum  iri  iudicabam,  meliorem  occasionem,  quae  nunc  videtur  offerri,  mihi  opperiendam  duxi.  Habeo  igitur  duo  summa  capita,  quae  vobis  proponam.  Unum  est,  ne  valde  illorum  exemplo  sinatis  vos  duci,  qui  sibi  persuadent  sese  quam  optime  de  Deo  meritos  esse,  quod  pro  ecclesiae  iure  adversus  tyrannicam  audaciam  secundum  edicta  principalia  asserendo  arma  tulerint,  pericula  adierint,  facultatum  detrimentum  sustinuerint.  Imo  eo  usque  insolescunt  nonnulli,  ut  sibi  deberi  iactitent  quod  in  evangelii  possessionem  alii  missi  sint.  Atqui  si  ita  Domino  visum  est,  ut  tam  honorato  usui  vos  impenderet,  non  est  quod  eo  nomine  vobis  placeatis,  aut  remittatis  manus,  quasi  opere  ad  finem  usque  perducto  :  sed  potius  ut  inde  sumatis  animum  pergendi  in  melius  quod  reliquum  est  longioris  viae.  Quum  si  postquam  tam  bene  coepistis  cessare  contingeret,  essetis  tanto  minus  excusabiles.  Alterum  sequitur,  quod  quum  belli  occasio  eam  licentiam  invehere  soleat  ut  optimi  etiam  tum  sibi  excidant,  videndum  esse  ne  profusiones  illae  et  insolentiae  quibus  multi  addicti  fuerunt  a  vobis  deinceps  retineantur.  Quum  potius  malum  ipsum  quod  ita  iam  inhaesit  stimulare  vos  debeat  ad  remedium  tanto  studiosius  requirendum.  Eorum  vero  quae  tam  inordinate  gesta  sunt  omnis  apud  vos  sepelienda  est  memoria,  nisi  ut  illis  ingemiscendo  a  Deo  veniam  precemini,  atque  ab  eiusmodi  rebus  serio  pedem  referatis.  Quum  vero  facultas  a  Deo  iam  oblata  sit,  ut  cum  aliqua  pace  conveniatis  in  nomine  ipsius,  ad  ipsius  verbum  audiendum,  ad  promovendam  vestram  fidem,  ad  vos  in  ipsius  timore  confirmandos  per  illa  media  quae  in  ecclesia  ipse  instituit:  sic  ad  tanti  beneficii  usum  legitime  praestandum  incumbite,  ut  aliquatenus  etiam  quae  secus  ante  acciderunt,  compensare  studeatis.  Optandum  erat  sane,  ut  omnes  sese  iisdem  animis  ad.  8