19:114  paternel,  laquelle  il  desploye  sur  ces  foibles  et  improfitables  serviteurs  non  seulement  les  conservans  en  leur  extresmes  necessitez  mais  aussi  souventesfois  previent  leurs  douleurs  et  plus  dangereuses  tentations  comme  il  scait  et  cognoit  mieux  que  nous  mesmes  par  sa  divine  providence  nous  estre  expedient  pour  les  soustenir  afin  qne  totalement  ils  ne  succombent  soubs  le  fais.  Car  nos  2)  plus  comfortables  lettres  vindrent  en  mes  mains  lors  iustement  que  la  royne  nostre  maistresse  arriva.  La  ioye  desquelles  (comme  Dieu  scait)  outrepassoit  ce  que  ie  pourrois  exprimer  par  lettres,  autant  que  par  icelle  ne  me  fut  seulement  mis  devant  les  yeux  quil  failloit  que  les  plus  chers  enfans  de  Dieu  se  preparassent  a  perpetuels  et  continuels  combats  en  ceste  vie:  mais  aussi  que  l'issue  en  seroit  ioyeuse  et  prospere  a  nous  qui  nous  contristons  et  lamentons  pour  iustice  et  equite  et  les  tournera  a  confusion  et  destruction  a,  ceux  qui  nous  molestent.  Combien  de  ioye  m'apportarent  telles  admonitions  ie  vous  laisse  a  en  considerer.  Quand  dedans  quatre  iours  apres  ceste  idole  de  messe  fut  erigee  et  redressee  au  palais  de  la  Royne,  Laquelle  iusques  auiourdhuy  est  receue  et  maintenue  sans  espoir  de  reparation  et  ce  a  cause  de  quelques  uns  qui  se  sont  donnez  pour  grands  favoriseurs  a  la  verite  par  cidevant  qui  franchement  afferment  quil  n'est  ni  aux  subiects  ni  au  conseil  de  faire  laisser3)  cest  idole  a  la  Royne  pour  ce,  disent  ils,  quelle  pense  bien  faire  en  ce  faisant  et  que  nous  ne  luy  pouvons  non  plus  oster,  qu'elle  a  nous,  la  liberte  de  nostre  relligion.  Quelques  bons  de  nos  ministres,  et  en  special  4)  iournellement  en  leurs  presences,  car  il  est  ministre  la  establi  comme  m'asseure  que  scavez,  disent  et  preschent  du  contraire  affirmans  que  le  conseil  et  reste  de  la  noblesse  par  lesquels  Dieu  a  si  puissamment  av  ere  que  par  eux  il  a  purge  et  nettoye  tout  le  palais  entier  d'idolatrie,  au  moins  qui  fut  manifeste  ou  publique,  ne  devroit  pas  souffrir  icelle  estre  reerigee  et  redressee,  si  ce  ne  fust  quils  fussent  contrains  et  coactos  par  quelque  plus  grande  force  a  laquelle  ils  ne  pourroyent  remedier  ni  resister:  mais  telle  force  n'est  iusques  auiourd'huy  apparue  en  ce  royaume.  Aussi  des  cerveaux  trop  fondez  sur  ceste  police,  mondaine  qui  gouvernent  a  ceste  heure  la  court,  ne  craignent  les  sentences  et  iustes  iugemens  de  Dieu  prononcez  assiduellement  par  nos  prescheurs  pour  nostre  ingratitude,  de  sorte  qu'iniquite  non  seulement  continue  mais  prend  accroissement  de  iour  a  autre  pour  raison  que  nous  sommes  discordans  entre  2)  vos?  3)  laisser  faire?  4)  lacune  laissee  en  blanc  par  le  copiste  qui  ne  pouvait  dechiffrer  le  nom.  (Knox?)  8