10.1:114  [page  40]  Si  une  fille  estant  deuement  liee  par  promesse,  est  transportee  frauduleusement  hors  du  territoire,  afin  de  ne  point  accomplir  le  mariage:  qu'on  s'enquiere  s'il  y  a  nul  en  la  ville  qui  ait  aide  a  cela,  afin  qu'il  soit  contraint  de  la  faire  retourner,  sous  telle  peine  qu'il  sera  avise:  ou  bien  si  elle  a  tuteurs  ou  curateurs,  que  on  leur  cnioigne  aussi  bien  de  la  faire  venir,  s'il  est  a  eux  possible.  Si  un  homme,  apres  que  sa  femme  l'aura  abandonne,  n'en  fait  nulle  plainte,  mais  qu'il  s'en  taise,  ou  que  la  femme  aussi  delaissee  de  son  mari  dissimule  sans  en  dire  mot,  et  que  cela  vienne  en  cognoissance,  que  le  Consistoire  les  face  venir,  pour  savoir  comment  le  cas  va:  et  ce  afin  d'obvier  a  tous  scandales:  pour  ce  qu'il  y  pourroit  avoir  collusion,  laquelle  ne  seroit  point  a  tolerer,  ou  mesme  beaucoup  pis:  et  qu'ayant  cognu  la  chose  on  y  pourvoye  selon  les  moyens  qu'on  aura,  tellement  qu'il  ne  se  face  point  de  divorces  volontaires,  c'est  a  dire,  au  plaisir  des  parties,  sans  authorite  de  iustice.  Et  qu'on  ne  permette  point  aux  parties  coniointes  d'habiter  a  part  l'un  de  l'autre.  Toutesfois  que  la  femme,  a  la  requeste  du  mari,  soit  contrainte  de  le  suivre,  quand  il  voudroit  changer  d'habitation,  ou  qu'il  y  seroit  contraint  par  necessite,  moyennant  que  ce  ne  soit  point  un  homme  desbauche  qui  la  mene  a  l'esgaree  et  en  pays  incognu:  mais  que  ce  soit  un  pays  raisonnable,  qu'il  vueille  faire  sa  residence  en  lieu  honneste,  pour  vivre  en  homme  de  bien,  et  tenir  bon  mesnage.  [page  41]  Que  toutes  causes  matrimoniales  concernantes  la  conionction  personnelle,  et  non  pas  les  biens,  soyent  traittees  en  premiere  in  stance  au  Consistoire:  et  que  la,  s'il  se  peut  faire  appointcmcnt  amiable,  qu'il  se  face  au  nom  de  Dieu.  S'il  est  requis  de  prononcer  quelque  sentence  iuridique,  que  les  parties  soyent  renvoyee��  au  Conseil,  avec  declaration  do  l'advis  du  Consistoire,  pour  en  donner  la  sentence  diffinitive.  DE  LA  SEPULTURE.  Qu'on  ensepvelisse  honnestement  les  morts  au  lieu  ordonne.  De  la  suite  et  compagnie,  nous  la  laissons  a  la  discretion  d'un  chacun.  Nous  avons  outreplus  avise  et  ordonne,  que  les  porteurs  ayent  serment  a  la  Seigneurie  d'empescher  toutes  superstitions  contraires  a  la  parole  de  Dieu,  de  ne  point  porter  a  heure  indeue,  et  de  faire  rapport  si  quelcun  estoit  mort  subitement,  afin  d'obvier  a  tous  inconveniens  qui  en  pourroyent  suivre.  8