9:113  113  CONTRA  WESTPHALUM.  114  perstites  eundem  tenent  cursum?  Nam  et  haec  truculentiae  nota  non  obscura  est,  quod  in  profugos  invehitur,  quos  hospitio  prohibere  non  satis  habuit,  et  in  mediis  asperrimae  hyemis  frigoribus  disiicere,  quum  illic  respirare  cuperent,  nisi  etiam  modis  omnibus,  quantum  in  se  est,  e  toto  orbe  exterminandos  curet.  Ego  [pag.  1551  vero,  quamvis  iustam  indignationem  mihi  tunc  exprimeret  misericordia,  qua  me,  nisi  ferreus  essem,  in  tristibus  fratrum  aerumnis  tangi  necesse  fuit,  deceptum  tamen  me  fuisse  iam  video  et  fateor.  Putavi  enim  nescio  quid  occasionis  Westphalo  et  similibus  fuisse  oblatum,  cur  ardentius  aequo  excandescerent.  Nunc  ad  immanem  truculentiam  in  nos  omnes  promiscue  exercendam  illis  sufficere  video,  quod  non  subscribimus  eorum  placitis.  Tam  virulento  enim  odio  in  nos  crepant,  ut  citius  illis  pax  cum  Turcis  futura  sit,  et  cum  papistis  fraternitas,  quam  nobiscum  induciae.  Haec  indignitas  si  mihi  bilem  movit,  mirari  nemo  debet.  Si  modum  excessi,  huius  delicti  veniam  apud  aequos  iudices  mihi,  ut  spero,  impetrabit  causae  bonitas.  Verum  haec  excusatio  mihi  a  Westphalo  eripitur.  Primo  enim  bonam  causam  me  agere  negat:  deinde  me  habenas  affectibus  meis  solvisse  dicit,  ut  veritati  tenebras  offunderem.  De  causa  plane  iam  piis  omnibus  satisfactum  esse  arbitror:  quam  mihi  visus  sum  firmis  argumentis  non  minus  quam  composito  docendi  ordine  defendere.  Nam  ex  conviciis  adminiculum  inducere,  neque  {pag.  156]  ulla  ratio  cogebat,  neque  mihi  venit  in  mentem.  Ipse  vero  qui  tam  belle  concionatur,  qualiscunque  sit  causa,  admixtis  insectationibus  1)  suspectam  reddi,  cur  non  sibi  temperat?  Qui  fit  ut  subinde  haereses  ac  blasphemias  crepet?  nullo  denique  petulantiae  genere  abstineat?  Et  tamen  quasi  satis  sit  os  abstergere,  sibi  nihil  aliud  propositum  fuisse  simulat,  quam  impetum  meum  reprimere.  En  cur  me  declamationibus  tanquam  ascititiis  coloribus  malam  causam  ornasse  insimulet,  quum  tamen  palam  sit  me  utraque  manu  causam  amplexum  nihil  dixisse  quod  ad  rem  non  esset  appositum:  ipse  autem  parce  et  ieiune  causam  attingens,  per  locorum  communium  ambages  fere  vagetur.  Certe  nun-  -quam  adeo  facundus  erit  rhetor,  ut  me  declamatorem  esse  persuadeat,  cuius  restricta  in  scribendo  brevitas,  et  firma  in  tractandis  argumentis  statio  omnibus  nota  est.  Clausulam  libri  sui  Westphalus  ex  cavillis  quibusdam  conflavit,  quibus  sinistram  suspicionem  iniicere  conatus  est,  ut  recte  dictis  fidem  detraheret.  Non  audet  quidem  initio  aperte  reprehendere,  sed  se  ad  examen  ecclesiae  vocare  obtendit:  [pag.  157]  collecta  vero  audacia  paulo  post  damnat.  Est  quidem  hoc  aliquid,  quod  eius  confessione  sacramentis  1)  iniures  et  paroles  piquantes.  Calvini  opera.  Vol  IX