8:113  113  SUR  L'ELECTION  ETERNELLE.  114  se  convertissant,  il  vive;  comme  si  Dieu  appeloit  tout  le  monde  a  conversion  et  repentance.  Or,  maintenant  regardons  si  la  conversion  est  donnee  a  tous.  Sainct  Paul  declare  au  second  chapitre  de  la  seconde  Epistre  a  Timothee,  que  ce  n'est  pas  un  don  commun,  quand  il  dit:  Si  possible  Dieu  leur  donne  repentance  a  salut.  (2.  Tim.  2,  25.)  Par  cela  il  signifie,  que  Dieu  fait  grace  a  qui  il  luy  plait.  Touchant  la  repentance,  quand  il  dit:  Que  le  pecheur  se  convertisse  et  qu'il  vive,  cela  s'entend  (comme  chacun  peut  voir),  de  ce  que  Dieu  convie  tout  le  monde  a  repentance.  Ce  neantmoins  ceste  promessela  n'est  point  generale.  Comme  aussi  les  menaces  que  Dieu  a  faites  aux  Ninivites  sont  sous  condition:  S'ils  se  repentent,  s'ils  viennent  a  repentance,  le  mal  que  i'avoye  delibere  contre  eux  ne  leur  adviendra  point.  (Ionas  3,  Ierem.  18,  8.)  Ceste  menace-  la  donc  estoit  sous  condition.  Ainsi  quand  le  Prophete  Ezechiel  dit:  Ie  ne  veux  point  la  mort  du  pecheur  [page  52],  mais  qu'il  se  convertisse  et  qu'il  vive  (28,  l  l  )  ,  c'est  comme  s'il  disoit:  Dieu  m'envoye  pour  annoncer  a  chacun  la  promesse  de  salut,  mais  il  faut  vous  convertir.  Or  ce  don  de  conversion  n'est  point  commun  a  tous.  Ce  n'est  point  a  nous  de  nous  pouvoir  convertir  de  nostre  mauvaise  vie,  sinon  que  Dieu  nous  change  et  nous  purge  par  son  sainct  Esprit:  comme  l'Escriture  est  toute  pleine  de  ceste  doctrine.  De  la  il  s'ensuit  que  ceste  promesse  n'est  point  egalement  faite  a  tous,  combien  qu'elle  s'y  adresse.  Et  ce  malheureux-la  viendra  demander  pourquoy?  comme  par  moquerie,  comme  s'il  n'avoit  iamais  leu  un  seul  mot  de  l'Escriture!  Mais  tels  chiens  (Philip.  3,  2),  sont  bien  dignes  d'une  telle  impudence,  quand  ils  entreprennent  de  heurter  ainsi  a  rencontre  de  Dieu.  Or,  cependant,  on  allegue  encores:  Voire,  mais  l'Evangile  n'est-il  pas  presche  par  tout  lo  monde?  Ouy  bien  :  mais  regardons  si  tous  ont  este  illuminez  de  Dieu  pour  recevoir  ceste  doctrine.  L'Escriture  saincte  nous  dit  le  contraire;  et  sainct  Paul  donne  solution  de  tout  cela  [pag.  53],  quand  il  dit  que  l'Evangile  est  la  puissance  de  Dieu  en  salut  a  tous  croyans.  (Rom.  1,  16.)  Voila  une  promesse  qui  est  certaine,  voire  a  tous  croyans.  Or  regardons  maintenant  qui  sont  les  croyans  ;  il  nous  le  monstre  au  10.  des  Romains,  quand  il  dit  que  la  foy  est  par  ouyr,  et  l'ouyr  par  la  parole  de  Dieu:  mais,  difc-il,  tous  n'ont  point  creu  et  tous  n'obeissent  point;  car  Esaye  dit:  Qui  est-ce  qui  a  creu  a  nostre  predication?  Le  bras  de  Dieu,  a  qui  a-il  este  revele?  Sainct  Paul  voulant  amener  la  raison  pour  quoy  tous  ne  croyent  point,  dit  notamment:  Le  bras  du  Seigneur  n'est  point  revele  a  tous;  c'est  a  dire  que  Dieu  ne  desploye  point  sa  vertu  envers  tous.  Et  ne  voila  pas  une  sentence  par  trop  manifeste?  Qu'estce  qu'on  pourroit  repliquer  a  l'encontre?  Tous  ne  Calvini  opera.  Vol.  Vill.