7:113  113  CONTRE  LES  ANABAPTISTES,  114  vernees  par  Iesus  Christ  leur  Evesque.  Suyvant  cela  il  est  dict  en  l'histoire  de  Ioh  (i,  19)  que  les  hommes  hahitent  en  maison  de  terre:  de  laquelle  forme  de  parler  sainct  Pierre  use  au^si  bien,  quand  il  dit,  qu'il  veut  adviser  les  fideles,  pendant  qu'il  habite  en  son  tabernacle  terrestre  (2  Pierre  1,  13).  N'estoit  que  la  principale  partie  de  l'homme  habitast  au  corps,  comme  en  un  tabernacle,  cela  [page  131]  seroit  dict  sans  raison.  L'Apostre  aussi  en  l'Espitre  aux  Hebrieux  (12,  9)  monstre  autant  ou  plus  expressement  cela  mesme,  quand  il  dict  que  les  peres  qui  nous  ont  engendrez  en  ce  monde,  sont  les  peres  de  nostre  chair,  mais  que  Dieu  soul  est  pere  de  noz  espritz.  Ie  vous  prie,  si  l'ame  n'estoit  quelque  essence,  comment  pourroit  on  prendre  ces  parolles?  Tantost  apres,  parlant  des  citoyens  de  paradis,  il  dict  que  ce  sont  les  Anges  et  les  espritz  des  iustes  (ibid.  v.  23).  Voudroit  on  rien  de  plus  clair  que  cela?  Ie  ne  vois  point  aussi  comment  on  puisse  exposer  l'exhortation  que  nous  faict  sainct  Paul,  de  nous  purger  de  toute  pollution  de  chair  efc  d'esprit,  sinon  que  l'on  prenne  ce  mot  d'esprit,  pour  une  ame  essentielle.  Car  comme  le  corps  est  un  subiect  qui  recoit  pollution,  aussi  faut-il  que  l'ame  de  son  coste  soit  une  creature  qui  se  puisse  polluer  et  sanctifier.  Il  y  a  une  semblable  raison:  en  ce  qu'il  dict  en  un  autre  lieu,  que  l'Esprit  de  Dieu  rend  tesmoignage  a  noz  espritz,  que  nous  sommes  enfans  de  Dieu  (Rom.  8,  16).  Combien  que  si  nous  tenions  le  principe  qui  doit  estre  resolu  entre  tous  Chrestiens,  il  ne  seroit  ia  mestier  d'entrer  en  dispute,1)  d'entrer  en  ceste  matiere:  assavoir,  si  l'ame  est  une  essence  ou  non  :  veu  que  ce  a  este  l'erreur  des  Saduciens,  qui  est  [page  132]  apertement  reprouve  en  l'escriture.  Car  il  est  dict  au  vingt  et  troisiesme  des  Actes  (v.  6),  que  sainct  Paul  se  voulant  excuser,  protesta  qu'il  estoit  persecute,  d'autant  qu'il  n'adheroit  point  a  la  secte  des  Saduciens.  Et  sainct  Luc  voulant  signifier  en  quoy  c'estoit,  dict  que  les  Saduciens  ne  croyent  point  la  Resurrection,  ne  qu'il  y  ait  des  Anges,  ny  des  espritz  ou  ames  (ibid.  v.  8).  Que  voulons  nous  plus  que  cela?  Sainct  Paul  confesse  qu'il  est  Pharisien  en  ses2)  articles.  Or  est-il  ainsi  que  les  Pharisiens  confessoyent,  comme  dict  sainct  Luc,  que  les  ames  sont  vrayes  creatures  essentielles.  Pourtant  que  les  Anabaptistes  prennent  la  querelle  des  Saduciens  leurs  predecesseurs,  pour  la  maintenir  contre  sainct  Paul.  Et  quand  ilz  auront  gaigne  leur  cause  contre  luy,  lors  nous  verrons  que  nous  aurons  a  leur  dire.  Cependant  nous  tiendrons,  suyvant  toute  la  doctrine  de  Dieu,  que  l'homme  est  1)  d'entrer  en  dispute,  manque  1611  suiv.  2)  Toutes  les  editions  mettent  ce  'pronom.  Calvini  opera.  Vol.  VIL