58:113  113  DE  IACOB  ET  ESAU.  114  trompette  sonne,  que  leur  ignominie  soit  publiee  par  tout,  et  qu'en  la  fin  ils  aillent  a  l'escole  du  gibet.  Et  au  reste,  quand  nous  ne  faisons  point  aussi  nostre  profit  des  corrections  qui  nous  sont  iournellement  mises  en  avant,  il  faudra  que  nous  soions  condamnez  a  cent  lieues  loin,  et  a  bon  droict.  Mais  si  nous  en  souffrions  nous  seuls,  il  n'y  auroit  point  de  danger:  le  pis  est,  que  le  Nom  de  Dieu  est  blaspheme  a  cause  de  nostre  meschancete.  Ainsi  donc,  que  nous  apprenions  par  cest  exemple  d'estre  si  dociles  et  maniables,  que  quand  Dieu  nous  redarguera,  nous  souffrions  d'estre  condamnez  de  lui,  et  que  nous  aions  honte  de  nous  mesmes:  afin  que  nostre  honte  et  infamie  ne  soit  point  descouverte  devant  tout  le  monde.  Voila  donques  encores  ce  que  nous  avons  a  retenir.  Or  il  est  dit,  qu'Abimelech  se  plaignant  d'Isaac,  aiouste,  PLU  s'en  a  fallu  que  quelcun  au  peuple  n9ait  dormi  avec  ta  femme:  et  tu  eusses  fait  venir  un  grand  mal  sur  nous.  Quant  au  premier  poinct,  ici  Isaac  est  reprins  d'inconsideration  et  sottise:  car  il  exposoit,  entant  qu'en  lui  estoit,  sa  femme  a  vitupere.  Et  pourquoy?  Nous  avons  veu  par  ci  devant  que  le  mari  doit  estre  comme  un  voile  a  la  femme.  Quand  une  femme  sera  mariee,  et  que  le  mari  vivra  avec  elle,  faisant  son  devoir,  c'est  afin  qu'elle  soit  la  comme  en  une  sauvegarde,  et  qu'on  ne  viene  point  la  seduire  ne  la  corrompre.  Or  donc  Isaac,  pour  s'aquitter  de  son  devoir,  devoit  estre  comme  un  voile  a  sa  femme  :  c'est  a.  dire,  sous  le  nom  de  mari  et  de  mariage,  il  devoit  empescher  que  nul  n'attentast  de  l'attirer,  fust-ce  pour  l'avoir  a  femme,  ou  d'une  autre  facon:  car  le  mariage  est  comme  une  sauvegarde,  ainsi  que  nous  avons  dit:  et  Dieu  a  voulu  que  de  tout  temps  il  fust  en  reverence.  Et  combien  que  les  adulteres  s'abandonnent  comme  des  porceaux  et  des  asnes:  toutesfois  si  estce  qu'encor  ont~ils  quelques  remors:  et  iamais  entre  les  Paiens  les  adulteres  n'ont  este  impunis.  On  a  cognu,  que  s'il  y  a  chose  au  monde  privilegiee,  c'est  le  mariage  :  et  que  les  larrecina  doivent  estre  supportez  et  autres  crimes,  beaucoup  plus  que  telles  enormitez:  assavoir,  quand  l'alliance  de  Dieu  est  violee,  et  la  compagnie  qu'il  a  dedie  en  son  Nom,  afin  qu'elle  fust  comme  sacree.  Quand  donc  cela  est  viole  tousiours  les  Paiens  ont  cognu  que  .  c'estoit  une  abomination  si  grande  que  cela  ne  devoit  point  estre  supporte.  Or  donques  maintenant  Abimelech  se  plaint  d'Isaac,  de  ce  qu'il  a  ainsi  prostitue  sa  femme,  entant  qu'en  lui  estoit.  Et  nous  sommes  enseignez  par  ceste  doctrine,  de  prevenir  les  dangers,  et  ne  point  tenter  Dieu  par  nostre  temerite  et  folie.  Que  nous  gardions  bien  donc  de  faire  Calvini  opera.  Vol.  LVIII.