52:113  113  CAPUT  II.  pedem  ponens!  vel  ingrediens:  cuius  autoritatem  ego  sequutus  sum,  sed  verbum  magis  proprium  elegi.  Perrumpunt  enim  re  vera  tales,  et  se  ingerunt  in  arcana,  quorum  nullam  revelationem  ad  nos  adhuc  pervenire  vult  Deus.  Locus  observandus  ad  redarguendam  eorum  temeritatem,  qui  ulterius  inquirunt  quam  liceat.  Frustra  inflatus  a  mente  carnis.  Mentem  carnis  vocat  humani  ingenii  perspicaciam,  quantacunque  sit.  Nam  opponit  eam  spirituali  sapientiae  quae  coelitus  nobis  revelatur:  secundum  illud,  Caro  et  sanguis  non  revelavit  tibi  (Matth.  16,  17).  Quisquis  ergo  suae  rationi  innititur,  quia  carnis  totum  acumen  in  eo  viget,  eum  Paulus  frustra  inflatum  esse  pronuntiat.  Et  vere  flatus  est  quidquid  ex  se  homines  sapiunt  Nihil  ergo  solidum  nisi  in  verbo  Dei  et  spiritus  illuminatione.  Et  nota,  eos  vocari  inflatos  qui  se  humilitatis  specie  insinuant.  Fit  enim  (ut  eleganter  scribit  Augustinus  ad  Paulinum)  miris  modis  in  hominis  anima,  ut  de  falsa  humilitate  magis  infletur,  quam  si  aperte  superbiret.  19.  Non  tenens  caput.  Uno  verbo  damnat  quidquid  non  refertur  ad  Christum.  Ac  suam  sententiam  confirmat,  eo  quod  inde  fluunt  ac  pendent  omnia.  Proinde  si  quis  nos  alio  vocet  quam  ad  Christum,  etiamsi  alioqui  gravidus  foret  coelo  et  terra,  vanus  est  ac  ventosus:  ideo  secure  iubeamus  cum  facessere.  Observa  autem  de  quibus  loquatur,  nempe  de  iis  qui  non  aperte  repudiabant  vel  abnegabant  Christum,  sed  qui,  officium  eius  et  virtutem  non  probe  tenentes,  alia  salutis  adminicula  et  media  (ut  vulgo  loquuntur)  excogitando,  non  solide  in  eo  fixi  erant1)  Ex  quo  totum  corpus  per  iuncturas.  Hoc  simpliciter  intelligit,  non  aliter  stare  ecclesiam,  quam  ai  omnia  illi  a  Christo  capite  subministrentur  :  itaque  in  eo  totam  eius  incolumitatem  contineri.  Corpus  quidem  suos  habet  nervos,  suas  commissuras  et  connexiones:  verum  haec  omnia  non  nisi  a  capite  vigorem  suum  sumunt,  ut  tota  colligatio  inde  sit.  Quid  igitur  agendum  est?  recta  erit  corporis  constitutio,  si  caput  solum,  quod  singulis  membris  suppeditat  quidquid  habent,  absque  ullo  obstaculo  emineat.  Id  Paulus  nominat  incrementum  Dei.  Quo  significat,  non  probari  Deo  quodvis  augmentum,  sed  quod  ad  caput  dirigitur.  Nam  videmus  ut  non  modo  procerum  sit  ac  amplum  papae  regnum,  sed  prodigiosa  magnitudine  turgeat.  Verum  quia  illic  non  cernitur  quod  requirit  hic  Paulus  in  ecclesia:  quid  dicemus,  nisi  corpus  esse  gibberosum,  et  molem  incompositam,  quae  in  se  ruitura  sit?  20.  Si  igitur  mortui  estis  cum  Christo  ab  de-  *)  excoriabant.  Calvini  opera.  Vol.  Lll.