51:113  113  SUR  L'EPITRE  AUX  GALATES.  114  regardant  qu'ils  seroyent  en  danger  d'estre  persecutez.  Puis  donc  que  la  crainte  leur  fait  desguiser  la  parole  de  Dieu,  il  ne  vous  faut  plus  enquerir  ne  faire  plus  long  proces  quelles  gens  ce  sont,  et  si  on  y  doit  adiouster  foy:  car  vous  voyez  qu'ils  changent  ainsi  et  se  transfigurent,  pour  ce  qu'ils  veulent  fuir  la  luitte.  Estans  donc  ainsi  traistres  a  Dieu  par  leur  timidite,  meritent  -  ils  qu'on  les  croye,  ne  qu'on  porte  aucune  reverence  a  ce  qu'ils  disent?  Voila  donc  l'intention  de  sainct  Paul.  Or  ici  tous  ministres  de  la  parole  sont  enseignez  d'avoir  une  telle  constance  et  fermete  qu'ils  ne  regardent  point  si  la  doctrine  qu'ils  portent  est  haye  du  monde,  ou  si  elle  est  agreable,  mais  qu'ils  aillent  tousiours  leur  train,  et  puis  qu'ils  ne  callent  point  la  voile  a  tous  vents,  qu'ils  ne  branlent  point  comme  roseaux  pour  flechir  ca  et  la:  mais  quelques  revolutions  et  changemens  qui  adviennent,  quelques  troubles  et  confusions  qu'il  y  ait,  que  tousiours  ils  continuent  a  servir  Dieu.  Bref,  il  nous  faut  practiquer  ce  que  nous  avons  veu  par  cidevant,  c'est  que  si  nous  voulons  complaire  a  l'appetit  des  hommes,  il  nous  faut  quitter  le  service  du  Fils  de  Dieu.  Voila  donc  pour  un  item.  Mais  cependant  aussi  tous  fideles  peuvent  recevoir  une  bonne  instruction  et  utile  de  ce  passage  :  c'est  a  scavoir  qu'ils  regardent  bien  ceux  qui  cerchent  leur  profit  et  avantage,  et  qui  veulent  acquerir  faveur  du  monde,  et  qui  veulent  estre  prisez  :  car  il  n'y  aura  iamais  nulle  tenure  en  telles  gens.  Ils  ne  se  monstreront  pas  tels  du  premier  coup  (comme  i'ay  desia  dit),  car  il  y  en  a  qui  font  les  chatemittes,  et  mesmes  il  semble  qu'il  n'y  ait  que  pour  eux  quand  la  parole  de  Dieu  n'est  point  odieuse:  mais  qu'on  y  applaudit.  Alors  ils  iettent  le  feu  par  la  gorge:  cependant  du  iour  au  lendemain  on  les  verra  changer  propos.  S'il  y  a  quelque  peril,  et  qu'ils  voyent  que  c'est  a  bon  escient  qu'il  sale  testifier  nostre  Seigneur  Iesus  Christ,  alors  ils  monstrent  leur  couardise,  et  en  la  fin  ils  se  destournent  du  tout,  et  changent  leur  robe,  comme  on  dit  en  proverbe.  Mais  quoy  qu'il  en  soit,  que  nous  soyons  tousiours  sur  nos  gardes,  a,  fin  que  nous  adioustions  foy  a  ceux  qui  cheminent  en  droiture,  et  qui  ne  s'esgarent  point  quand  ils  verront  tout  le  monde  comploter  contre  eux:  qu'il  y  aura  mesmes  une  telle  rage  qu'il  semble  qu'on  les  doivent  souventesfois  engloutir:  qu'ils  verront  mesmes  des  perils  apparens^  et  toutesfois  que  ils  continuent  en  droite  constance,  que  nous  marquions  ceux-la  comme  serviteurs  de  Dieu:  mais  de  ceux  qui  varient  et  qui  se  contrefont,  qui  disent  maintenant  d'un,  maintenant  d'autre,  pour  eviter  la  haine  des  hommes,  et  pour  ne  point  souffrir  persecution,  que  la  nous  prenions  garde  pour  n'estre  point  deceus  ni  trompez,  car  ce  sont  Calvini  opera.  Vol  LL