50:113  113  CAPUT  X.  114  Discite  a  me,  inquit,  quoniam  mitis  sum  et  humilis:  iugum  meum  suave,  et  onus  meum  leve.  Item  propheta  (Iesa.  42,  2.  3)  de  ipso  loquens:  Non  audietur  clamor  eius  in  plateis,  calamum  quassatum  non  confringet  etc.  Qua  igitur  mansuetudine  fuit  Christus,  eam  a  servis  quoque  suis  requirit.  Eius  mentionem  quum  facit  Paulus,  ab  ea  se  minime  esse  alienum  significat.  Ac  si  diceret:  Obtestor  vos  ne  eam  mansuetudinem,  quam  nobis  in  sua  persona  exihibuit  Christus,  et  quotidie  per  servos  suos  exhibet,  imo  quam  in  me  conspicitis,  adspernemini��  Qui  secundum  faciem.  Quasi  per  mimesin  ex  adversariorum  persona  hoc  refert.  Ita  vero  quod  exprobrabant  verbis  tenus  fatetur,  ut  nihil  tamen  illis  in  re  ipsa  concedat:  quemadmodum  videbimus.  2.  Bogo  ne  praesens  audeam.  Quidam  orationem  defectivam  esse  putant:  neque  exprimi  quid  roget.  Ego  vero  potius  hic  absolvi  existimo  quod  priori  membro  deerat:  ut  sit  generalis  exhortatio:  Praebete  vos  mihi  dociles  et  morigeros,  ne  durior  esse  cogar.  Hoc  boni  pastoris  officium,  placide  et  humaniter  oves  potius  allicere,  ut  se  gubernari  patiantur  quam  violenter  cogere.  Austeritas  quidem,  fateor,  interdum  necessaria  est:  sed  incipiendum  semper  a  mansuetudine  et  in  ea  perseverandum  donec  se  tractabilem  praebet  auditor.  Extremum  remedium  est  in  severitate.  Tentandae,  inquam,  sunt  omnes  viae,  antequam  ad  rigorem  prosiliamus:  imo  nunquam  rigidi  simus  nisi  coacti.  Interea  quod  pusillanimem  ipsum  iudicabant  ac  timidum,  ubi  comminus  pugnandum  erat,  in  eo  errare  illos  significat,  quum  denuntiat  se  in  faciem  fortiter  restiturum  contumacibus.  Contemnunt  me,  inquit,  tanquam  hominem  pusillo  animo:  sed  fortiorem  sentient  ac  magis  animosum  quam  velint,  ubi  serio  conserendae  erunt  manus.  Inde  patet  quando  tempus  sit  asperius  agendi:  postquam  scilicet  experti  sumus  blanditias  et  lenitatem  nihil  proficere.  Invitus  faciam,  inquit  Paulus,  sed  tamen  facere  decrevi.  Optima  moderatio:  nam  ut  ducendi  sunt  potius  homines  quam  trahendi,  quoad  in  nobis  est:  ita  quum  apud  duros  et  praefractos  inutilis  est  lenitas,  tunc  necessario  exserendus  est  rigor.  Alioqui  non  modestia  erit,  neque  aequabilitas,  sed  dissoluta  ignavia.  Qui  nos  aestimant  Erasmus  vertit,  qui  nos  putant  veluti  secundum  carnem  ambulare.  Vetus  interpres  propius  (meo  iudicio)  accessit  ad  genuinum  Pauli  sensum,  qui  nos  arbitrantur,  tanquam  secundum  carnem  ambulemus.  Quamquam  neque  phrasis  est  satis  latina  :  neque  penitus  exprimit  totam  mentem  apostoli.  Nam  hic  AoyiCea&at  pro  censere  vel  aestimare  capitur.  De  nobis  sentiunt,  inquit  Paulus,  vel  nos  eo  loco  habent,  quasi  ambularemus  secundum  carnem.  Ambulare  secundum  carnem  Chrysostomus  exponit  infideliter  se  gerere,  vel  male  versari  in  officio  suo.  Et  certe  passim  hoc  Calvini  opera.  Vol.  L.