27:113  113  SUR  LE  DEUTER.  CHAP.  XI.  114  quand  il  ne  la  fera  point.  Et  pour  ce  faire  advisons  de  nous  confermer  tant  plus  en  la  parolle  de  Dieu:  quand  il  nous  aura  declaire  ce  qu'il  demande  de  nous,  que  nous  profitions  en  cela,  que  nous  y  soyons  tellement  confermez,  que  le  diable  ne  nous  en  puisse  destourner,  quoy  qu'il  attente,  et  nonobstant  tous  les  efforts  qu'il  face  contre  nous.  Or  il  parle  puis  apres  des  dieux  estranges:  car  c'est  la  source  de  tout  mal,  si  nous  ne  cognoissons  point  quel  Dieu  nous  devons  servir.  Si  les  hommes  sont  confus  en  cest  article,  il  faut  qu'en  tout  le  reste  de  leur  vie  il  n'y  ait  plus  rien  de  certain:  mais  que  tout  soit  enveloppe  en  erreur.  Et  ainsi  ce  n'est  point  sans  cause  que  Dieu  insiste  sur  ce  poinct,  c'est  assavoir  qu'on  le  cognoisse,  et  qu'il  soit  luy  seul  servi  et  adore.  Car  quand  nous  disons  qu'on  ne  doit  point  servir  aux  dieux  estranges,  cela  emporte  deux  choses.  C'est  premierement,  que  nous  puissions  discerner  quel  estnostre  Dieu,  que  nous  n'y  allions  point  par  opinion,  ni  fantasie:  mais  que  nous  soyons  asseurez,  ce  qui  ne  peut  estre  quand  nous  lascherons  la  bride  a  nostre  sens  naturel.  Car  voila  dont  les  superstitions  ont  tousiours  commence  au  monde.  Et  voila  comme  auiourd'huy  il  y  en  a  encores  un  tel  abysme:  c'est  pource  que  les  hommes  se  donnent  tousiours  licence  d'imaginer  ce  qui  leur  vient  en  la  teste:  O!  ie  cuide  que  Dieu  approuvera  ceci:  et  il  me  semble  que  telle  chose  est  bonne.  Si  donc  les  hommes  se  gouvernent  ainsi  selon  leur  cerveau,  il  faut  que  tout  y  soit  confus.  Voila  un  abysme.  Pour  ceste  cause  apprenons  d'escouter  Dieu  quand  il  parle  a  nous,  et  de  ne  rien  concevoir  de  luy,  sinon  ce  qui  nous  en  sera  monstre  par  sa  parolle.  Voila  donc  le  premier  item:  c'est  que  nous  sachions  discerner  quel  est  nostre  Dieu,  d'avec  tous  les  idoles  que  le  monde  se  bastit:  et  puis,  que  nous  n'attendons  rien,  sinon  ce  qu'il  approuve.  Car  les  Papistes  protesteront  assez,  qu'ils  veulent  servir  a  Dieu  createur  du  ciel  et  de  la  terre,  si  feront  bien  les  Iuifs,  et  les  Turcs:  cela  est  commun  a  tous.  Mais  cependant  voila  les  Turcs  qui  se  font  un  labyrinthe  de  superstitions,  comme  ce  trompeur  Mahomet  les  a  ensorcelez.  Les  Iuifs  d'autre  part  se  sont  abastardis,  et  ont  brouille  la  Loy  de  leurs  propres  inventions,  quand  ils  ont  renonce  au  Redempteur  qui  leur  estoit  promis,  qui  est  le  fondement  de  toute  la  religion  qu'ils  devoyent  tenir.  Quant  aux  Papistes,  on  voit  comme  ils  ont  corrompu  toute  verite,  et  l'ont  toute  convertie  en  mensonge.  Et  ainsi  apprenons,  que  pour  ne  point  adorer  les  dieux  estranges,  il  nous  faut  tenir  en  telle  suiettion,  que  nous  n'attendons  rien,  sinon  ce  que  nous  saurons  estre  aggreable  a  nostre  Dieu:  car  quand  nous  le  voudrons  servir  a  nostre  poste,  nous  bastissons  desia  un  idole  en  nostre  cerveau:  Calvini  opera.  Vol  XXVII.