21:113  113  PAR  NICOLAS  COLLADON.  114  y  avoit-il  homme  plus  simplement  habille,  ni  plus  modeste  en  toute  contenance?  y  avoit-il  maison,  pour  la  qualite  d'un  tel  homme,  ie  ne  di  point  moins  somptueusement,  mais  plus  povrement  meublee?  Si  on  ne  m'en  croit  et  dix  mille  tesmoins  avec  moy,  au  moins  que  les  petites  facultez  de  son  frere  et  seul  heritier,  et  Pinventaire  de  tous  ses  biens  en  soyent  creus.  Quant  au  ieu,  il  est  bien  vray  que  quelque  fois,  quand  cela  venoit  a  propos  et  ne  compagnie  familiere,  il  se  recreoit  au  palet,  a  la  clef,  ou  autre  tel  ieu  licite  par  les  loix  et  non  defendu  en  ceste  Republique:  mais  encore  c'estoit  bien  peu  souvent,  et  plustost  a  i'incitation  de  ses  familiers  amis,  que  de  son  propre  mouvement.  Car  d'ordinaire,  outre  ce  que  tout  le  reste  du  iour  il  s'occupoit  du  tout  a  escrire  ou  estudier,  apres  le  repas  mesmes  il  se  pourmenoit  en  sa  chambre  quelque  petit  quart  d'heure  seulement,  ou  au  plus  une  demi  heure  s'il  y  avoit  quelqu'un  qui  lui  tinst  compagnie,  et  puis  se  retiroit  a  l'estude.  Quant  a  ceux  donc  qui  Pont  blasme  de  prodigalite  et  de  ce  qui  s'en  ensuit,  ie  di  qu'au  moins  ses  livres  feront  foy  iusqu'a  la  fin  du  monde,  [k  5]  de  ses  passe-temps  et  de  l'impudence  de  tels  menteurs.  D'autres  tout  au  contraire  l'ont  taxe  d'avarice,  et  il  y  en  a  eu  de  si  effrontez  calomniateurs,  qu'ils  se  sont  desbordez  *)  iusques  a  le  faire  un  usurier  :  les  autres  un  banquier:  chose  si  ridicule,  et  si  faussement  controuvee,  que  tout  homme  qui  l'a  iamais  tant  soit  peu  cognu,  ne  demandera  iamais  defense  contre  une  telle  mensonge.  Mais  comme  luymesme  l'a  escrit  en  quelque  endroit,  s'il  y  en  a  eu  qui  ne  se  soyent  peu  persuader  qu'il  ne  fust  riche  et  abondant  en  argent,  a  tout  le  moins  qu'ils  le  croyent  finalement  apres  sa  mort,  quand  tout  est  descouvert.  Car  il  se  trouvera,  que  toute  sa  succession  (y  comprins  mesmes  ses  livres,  qui  ont  este  cherement  vendus,  a  cause  de  sa  memoire  tresprecieuse  a  toutes  gens  doctes)  ne  passe  point  deux  cens  escus.  Vray  est  que  comme  il  a  fort  bien  escrit  au  mesme  passage,  d'autant  qu'il  n'appetoit  rien  plus  que  ce  qu'il  avoit,  il  n'estoit  point  povre.  S'il  est  donc  question  d'avarice,  il  estoit  si  fort  avaricieux,  qu'ayant  en  somme  toute  six  cens  florins  de  gages,  qui  ne  reviennent  iusques  a  trois  cens  livres  tournois,  il  a  mesmes  pourchasse  d'en  avoir  moins,  et  les  contes  de  ceste  Seigneurie  en  feront  foy.  Il  a  este  si  convoiteux  des  biens  de  ce  monde,  qu'estant  prise,  voire  mesmes  honore  et  de  Rois  et  de  Princes  et  Seigneurs  de  plusieurs  nations,  et  mesmes  leur  ayant  dedie  ses  ouvrages  :  ie  ne  sache  (et  le  sauroye  a  mon  advis  s'il  estoit  autrement)  que  iamais  il  en  ait  receu  a  son  profit  la  valeur  de  vingt  escus.  Aussi  avoit-il  la  sacree  parole  de  1)  emportez  F.  Calvini  opera.