20:113  113  1563  IUL.  I  U  danger  de  scandalle.  Nul  fidele  ne  pouvoit  estre  fasche,  comme  sil*eust  expose  la  vraye  religion  en  opprobre.  Il  ne  pouvoit  desbaucher  ceulx  qui  eussent  ia  estez  introduitz  au  bon  chemin,  ne  degouster  les  autres  pour  ne  point  entrer.  Plustost  il  despitoit  toutte  sa  nation  aiant  son  autel  a  part  pour  y  adorer  le  Dieu  d'Israel.  Le  tout  est  de  ne  se  point  attacher  au  faict  precisement,  mais  suivre  ce  qui  est  d'edification.  Le  reste  de  voir  si  pour  cela  vous  debvez  plustost  quitter  lestat,  que  de  ne  point  complaire  a  la  Royne.  En  quoy  il  nous  fault  tenir  la  reigle  de  st.  Paul  de  ne  point  faire  mal  afin  qu'il  en  advienne  du  bien.  Je  vois  bien  quel  prouffit  peut  revenir  a  l'Eglise  que  vous  tenies  ce  lieu  la,  et  quel  dommage  il  faudroit  craindre,  si  vous  en  estiez  hors.  Mais  en  telles  perplexites,  si  nous  fault  il  faire  cest  honneur  a  Dieu  de  nous  reposer  sur  luy  quil  scaura  bien  pourvoir  a  tout.  Cependant  il  me  semble,  Monsieur,  que  vostre  excuse  sera  assez  favorable,  veu  que  la  Royne  nignore  pas  que  selon  la  religion  que  vous  tenez,3)  vous  ne  pouvez  vous  mesler  parmy  leurs  ceremonies  sans  offenser  Dieu,  pource  que  vostre  conscience  y  repugne.  Qui  plus  est,  i'espere  qu'elle  trouvera  vostre  magnanimite  meilleure  que  si  vous  fleschissiez.  Elle  vous  a  bien  souffert  estre  absent  long  temps,  elle  vous  permettra  bien  doncques  destre  malade  trois  iours  lan.  Combien  que  ie  ditz  cecy  par  forme  de  risee,4)  car  de  contrefaire  le  malade,  ce  seroit  avoir  honte  de  l'Evangile.  Quand  vous  aurez  bien  poise  toutes  ces  remonstrances,  ie  ne  doubte  pas  que  vous  ne  conceviez  avec  st.  Paul  que  nous  ne  pouvons  pas  estre  participans  de  la  Cene  de  Iesuschrist,  et  nous  montrer  parmy  les  idolatries,  sur  tout  quand  nous  donnons  mauvais  exemple.  Mais  ie  vous  prie,  Monsieur,  de  vous  y  evertuer,  et  prier  Dieu  de  vous  y  tenir  la  main  forte,  et  vous  revestir  des  armes  quil  vous  a  donnees  pour  batailler  constamment,  assavoir  de  vous  exercer  diligemment  en  sa  parole.  Monseigneur,  apres  avoir  presente  mes  humbles  recommandations  a  vostre  bonne  grace  et  celle  de  Madame  vostre  femme,  ie  prieray  le  pere  de  misericorde  vous  tenir  en  sa  garde,  vous  conduire  en  bonne  prosperite  et  vous  donner  heureuse  arrivee.  De  Geneve  ce  dernier  iour  de  Juillet  1563.  Vostre  humble  serviteur  lan  Calvin.  3)  Calvin  le  croit  donc  serieusement  converti.  4)  je  ne  dits  pas  cecy  par  forme  de  ruse  Bt.  .  Atque  hoc  quidem  per  iocum.  Calvini  opera.  Vol.  XX.