9:112  Christus  eum  armavit.  Nunc  iudicent  lectores  quam  inique  in  otio  ludere  hominem  dixerim,  quem  fallendi  taedii  causa  non  modo  tam  licentiose  quidvis  in  nos  garrire  constat  cum  suis  gregalibus,  sed  etiam  in  publica  scripta  referre.  Negat  se  exsortem  esse  communis  fortunae  eorum  omnium,  qui  sustinent  curam  pastoralem,  certe  si  meas  inquietudines  cum  sua  sessione  comparet,  merito  se  cathedralem  episcopum  iactabit.  Quod  tamen  ego  minime  invideo,  modo  ne  animi  gratia  infestus  nobis  esse  pergat.  Nam  si  vehementiam  suam  quo  utile  est  conferret,  plausu  et  gratulatione  potius  incitarem,  quam  obiurgatione  retunderem  sanctum  eius  zelum.  Nunc  quid  iustam  maledictis  suis  mercedem  referri  conqueritur?  Nam  gloriatio  [pag  153]  de  zelo  domus  Dei  inter  alias  iactantias  ponenda  est,  quibus  sacra  omnia  foede  profanat.  Quum  etiam  fatetur  se  acrius  interdum  insurgere  contra  hostes  obstinatos,  moderatione  tamen  adhibita  ne  fervor  in  vitium  abeat,  dicas  censorium  Catonem  loqui:  cuius  severa  gravitas  terroris  nescio  quid  incuteret,  nisi  mox  prominerent  auriculae,  quae  Westphalum  produnt.  Verissimum  est  illud  Nazianzeni  quod  adducit,  Dei  milites  quamvis  aliis  in  rebus  mansueti  sint,  pro  fide  esse  pugnaces.  Sed  aeque  verum  esse  non  modo  communis  experientia,  sed  huius  hominis  intemperies  ostendit,  diaboli  servos  contra  fidem  esse  plus  quam  pugnaces.  Ergo  ut  perversae  violentiae  crimen  effugiat,  non  alienis  se  vestiat  plumis,  sed  incipiat  servum  Deo  praestare,  qui  hactenus  nimis  strenue  discordiarum  patri  militavit.  Quod  autem  meam  epistolam  cum  omnibus  suis  scriptis  conferri  iubens,  suam  violentiam  comparatione  excusat:  ego  vero  non  recuso,  quin  lectores  ex  eius  Farragine,1)  quam  discussi,  iudicium  faciant,  quid  ipse  meritus  sit,  et  quam  non  iniuste  in  eum  fuerim  asperior.  Porro  ne  solus  totum  invidiae  onus  [pag.  154]  sustineam,  partem  aliquam  in  delatores  reiicit.  Ne  quis  tamen  his  verbis  me  levari  putet,  continuo  post  addit,  non  disparem  esse  eorum  culpam,  qui  delationibus  suis  aliorum  famam  laedunt,  et  qui  stulte  creduli  delatos  criminantur,  quia  non  minus  prohibet  Deus  accipere  falsum  testimonium  quam  dicere.  Cur  ergo  tam  licentiose  singulis  paginis  contra  innoxiam  multitudinem  mentitur,  et  tam  atrociter  me  lacerat?  Et  audet  nos  ad  Dei  tribunal  citare,  qui  si  de  iudicio  Dei  cogitaret,  vel  parceret  homini  de  ecclesia  Dei  bene  merito,  vel  saltem  humanius  eum  tractaret.  Sed  quid  mei  rationem  haberi  postulo,  dum  video  tam  indigne  raptari  et  vexari  praeclaros  Dei  servos,  qui  vel  totam  vitam  consumpserunt  in  asserenda  Dei  gloria  et  promovendo  Christi  regno,  vel  adhuc  su-  1)  son  discours  rapetasae.