8:112  notons  que  Dieu  n'est  point  magnifie  de  nous  comme  il  appartient:  que  nous  ne  cognoissons  pas  sa  grace  telle  qu'il  la  desploye  envers  nous,  sinon  que  nous  cognoissions  que  nous  sommes  esleus  de  luy,  voire  qu'il  nous  a  retirez  de  la  condamnation  universelle  en  laquelle  est  tout  le  genre  d'Adam,  voire  pour  nous  amener  a  nostre  Seigneur  Iesus  Christ:  que  c'est  luy  seul  qui  nous  a  rachetez:  et  cependant,  que  nous  considerions  les  reprouvez,  que  nous  apprenions  de  nous  mirer  en  leurs  personnes,  pour  dire:  Autant  en  seroit-il  de  nous,  si  non  que  Dieu  eust  use  de  sa  bonte  paternelle  [page  49]  pour  nous  separer  d'eux.  Car  nous  ne  pouvons  pas  de  nature  nous  discerner:  mais  c'est  Dieu  qui  nous  a  rendus  plus  excellens.  Iusques  a  ce  que  l'homme  fidele  soit  venu  la,  iamais  il  ne  magnifiera  Dieu  comme  il  appartient:  comme  i'ay  desia  dit.  Or  maintenant  ie  deduiray  en  bref  tout  ce  qu'on  pourroit  alleguer,  non  point  en  deduisant  tous  les  argumens,  mais  quand  ie  respondray  a  un  ou  a  deux,  il  suffira.  En  premier  lieu  il  est  dit  par  sainct  Paul,  a  Timothee,  en  la  premiere,  au  second  chapitre,  que  Dieu  veut  que  tous  hommes  soyent  sauvez.  Desia,  celuy  qui  a  trouble  l'Eglise  sur  ceste  matiere  a  mis  en  avant  ceste  mesme  question.  En  quoy  il  luy  fut  suffisamment  respondu  en  une  congregation.  Et  i'amene  cest  argument-la,  pource  que  c'est  le  fondement  que  prend  ce  brouillon,  qui  a  voulu  brouiller  la  doctrine  de  Dieu  en  ceste  Eglise.  Voila,  dit-il,  Dieu  veut  que  tout  homme  soit  sauve,  et  vienne  a  la  cognoissance  de  la  verite  (dit  sainct  Paul).  Si  Dieu  veut  que  tous  viennent  [page  50]  a  la  cognoissance  de  la  verite,  pourquoy  est-ce  qu'il  n'envoye  prescher  l'Evangile  aux  Turcs?  Pourquoy  permet-il  que  le  monde  soit  aveugle  par  si  grande  espace  de  temps?  Et  comme  sainct  Pierre  en  parle,  au  dixieme  chapitre  des  Actes,  disant  comment  a-ii  laisse  errer  les  hommes  si  long  temps?  Il  s'ensuit  donc  que  sainct  Paul  ne  parle  point  de  chacun  homme,  mais  de  tous  estats.  Ainsi  comme  il  le  monstre,  quand  il  dit  qu'on  prie  pour  les  rois,  pour  les  princes,  ei  pour  ceux  qui  sont  constituez  en  dignite.  On  pouvoit  dire:  Et  comment  prieronsnous  pour  les  ennemis  de  Dieu?  Or,  sainct  Paul  dit,  qu'il  ne  faut  point  limiter  la  grace  de  Dieu  a  nostre  fantasie,  car  Dieu  veut  que  tous  estats  viennent  a  sa  cognoissance.  Ne  voila  donc  pas  un  passage  bien  allegue  a  propos,  pour  renverser  l'election  de  Dieu?  Mais  il  ne  se  faut  esbahir  si  tels  brouillons  ne  voyent  goutte,  en  ce  qu'ils  pensent  estre  bien  subtils  et  aigus:  car  le  diable  leur  esblouyt  les  yeux.  (2.  Tim.  2,  26.)  Et  mesme,  ils  mettent  encores  en  avant:  Ouy,  mais  Dieu  n'a-il  pas  dit  [page  51]  qu'il  ne  veut  point  la  mort  du  pecheur,  ains  qu'il  se  convertisse  et  qu'il  vive?  (Ezech.  18,  32)  c'est  a  dire,  qu'en