7:112  vocable  d'esprit  se  prend  en  diverses  sortes,  des  quelles  il  n'est  ia  mestier  d'en  tenir  plus  long  propos.  Seulement  que  nous  sachions,  qu'il  se  prend  souventesfoys  pour  l'ame,  comme  on  le  verra  par  les  passages,  qui  seront  cy  apres  alleguez.  Cela  note,  voyons  si  l'ame  humaine  n'a  pas  une  essence  propre  qui  luy  soit  donnee  de  Dieu.  Et  commencons  parla  creation  de  l'homme,  laquelle  nous  pourra  beaucop  servir  a  cela.  Quand  il  est  question  des  bestes,  et  autres  animaux,  Dieu  commande  simplement  qu'elles  soyent  faictes.  Quand  ce  vient  a  creer  l'homme,  il  entre  en  consultation,  [page  129]  disant:  Faisons  l'homme  a  nostre  image  et  semblance  (Gen.  1,  26).  Or  ou  sera-ce  que  nous  trouverons  ceste  image  de  Dieu,  sinon  qu'il  y  ait  une  essence  spirituelle  en  l'homme,  en  laquelle  elle  soit  imprimee?  Car  quant  au  corps  de  l'homme,  ce  n'est  point  la  ou  l'image  de  Dieu  reside.  Il  est  vray  que  consequemment  Moyse  adiouste  (Gen.  2,  7),  que  l'homme  a  este  faict  en  ame  vivante,  ce  qu'il  dict  aussi  bien  des  bestes.  Mais  pour  denoter  une  excellence  specialle,  il  dict  que  Dieu  a  inspire  vertu  de  vie  au  corps,  qu'il  avoit  forme  de  terre.  Ainsi  combien  que  l'ame  humaine  ait  quelques  qualites  communes  avec  celles  des  bestes:  toutesfoys  entant  qu'elle  porte  l'image  et  semblance  de  Dieu,  elle  est  bien  d'une  condition  diverse.  Entant  aussi  qu'elle  a  son  origine  a  part,  elle  est  d'une  autre  preeminence,  et  c'est  ce  qu'entend  Salomon,  quand  il  dict  qu'a  la  mort,  le  corps  retourne  en  la  terre,  dont  il  est  prins:  et  l'ame  retourne  a  Dieu,  qui  l'a  donnee  (Eccles.  12,  7).  Pour  ceste  cause  il  est  dict  au  livre  de  Sapience  (2,  23),  que  l'homme  est  immortel,  entant  qu'il  est  cree  a  l'image  de  Dieu.  Ce  n'est  pas  un  livre  authentique  de  la  saincte  escriture,  mais  il  n'y  a  point  d'inconvenient  de  nous  aider  de  son  tesmoignage,  comme  d'un  Docteur  ancien,  combien  que  ceste  seule  raison  nous  [page  130]  doit  suffire,  que  l'image  de  Dieu,  telle  qu'elle  a  este  mise  en  l'homme,  ne  peut  estre  qu'en  un  esprit  immortel,  si  nous  entendons  ce  qu'elle  contient,  selon  que  sainct  Paul  l'expose:  c'est  assavoir,  que  nous  ressemblions  a  Dieu  en  iustice  et  vraye  sainctete.  Voila  quant  a  la  creation.  Or  maintenant  il  y  a  beaucop  de  passages  en  l'escriture,  qui  sont  trop  plus  evidens  :  comme  quand  sainct  Pierre  dict,  que  le  loyer  de  nostre  foy  est  le  salut  de  noz  ames  (1  Pierre  1,  9).  Item,  quand  il  dict  que  les  fideles  ont  purifie  leurs  ames  (ibid.  v.  22).  Item,  que  les  desirs  de  la  chair  combattent  contre  l'ame  (ibid.  2,  l  l  )  .  Item,  quand  il  appelle  Iesus  Christ  Evesque  des  ames  (ibid.  v.  25).  Car  ces  sentences  ne  pourroyent  consister,  sinon  qu'il  y  eust  des  ames  qui  fussent  sauvees,  et  lesquelles  fussent  assaillies  par  mauvaises  concupiscences  et  lesquelles  fussent  purifiees  de  leurs  macules,  et  gou-