58:112  sommes  contrains  d'y  penser.  Voila  donc  comme  il  en  est  avenu  a  Isaac.  Il  est  vray  que  Dieu  Ta  supporte  iant  et  plus,  quand  il  n'a  point  permis  qu'on  attentast  rien  contre  sa  femme,  que  le  Roy  mesme  du  pays  Ta  appele  tout  doucement,  et  s'est  complaint  a  lui  comme  a  son  pareil  et  compagnon.  Voila  un  grand  support  :  et  en  cela  voyons-nous  que  Dieu  a  pitie  des  siens,  ne  les  tentant  point  outre  mesure.  Mais  quoy  qu'il  en  soit  si  est-ce  qu'Isaac  vient  la  recognoistre  son  peche.  Et  qui  en  est  Iuge?  Un  povre  Payen,  un  idolatre.  Dieu  lui  pouvoit  bien  envoier  un  Ange  du  ciel,  ou  lui  donner  quelque  revelation,  pour  dire,  Que  fais-tu  ?  Or  il  le  laisse  la  :  car  aussi  il  n'est  pas  digne  d'estre  enseigne  si  honorablement  :  mais  il  faut  que  les  aveugles  descouvrent  son  mal,  et  qu'ils  le  condamnent.  Voila  donc  la  honte  qui  lui  est  faite,  afin  qu'il  en  soit  plus  humilie,  et  afin  que  doresenavant  il  apprene  de  se  fier  mieux  en  Dieu,  et  que  il  ne  retourne  plus  a  ce  vice-la.  C'est  ce  que  nous  avons  a  retenir.  Et  cependant  avisons  bien  a  nous  et  n'attendons  pas  que  les  hommes  nous  redarguent:  mais  acceptons  toutes  les  corrections  que  Dieu  nous  adresse  par  sa  Parole.  Car  quel  honneur  nous  fait  il,  quand  il  nous  solicite  de  venir  a  lui,  et  quand  avec  la  doctrine  il  adiouste  les  exhortations?  Et  puis  quand  il  void  que  nous  sommes  trop  tardifs,  ou  bien  que  nous  sommes  comme  incorrigibles,  il  use  de  reprehensions  plus  aigres.  Or,  quoy  qu'il  en  soit,  tout  cela  se  fait  en  son  nom,  que  quand  nous  lisons  en  l'Escriture  saincte,  que  nous  venons  au  Sermon,  et  que  la  il  nous  fait  nostre  proces,  il  nous  est  tousiours  Iuge.  Et  voila  aussi  pourquoy  nostre  Seigneur  Iesus  Christ  parlant  de  la  predication  de  l'Evangile  dit,  Quand  l'Esprit  viendra,  il  iugera  le  monde.  L'Esprit  de  Dieu  donc  exerce  sa  iurisdiction  sur  nous:  et  a  quelle  fin?  C'est,  que  quand  nous  avons  este  condamnez,  moiennant  que  nous  passions  condamnation  volontaire,  que  nous  soions  dociles,  et  que  nous  demandions  pardon,  il  est  prest  de  nous  le  donner.  Ainsi  donc,  puisque  Dieu  nous  fait  cest  honneur  de  nous  iuger  comme  en  sa  maison,  et  a  part:  quand  il  nous  remonstre  nos  fautes,  ne  sommes-nous  pas  par  trop  endurcis,  si  nous  ne  plions  le  col,  nous  rendans  dociles,  estans  prests  d'estre  redressez  par  lui?  Car  si  nous  voulons  ainsi  faire  des  rebelles,  Dieu  permettra  que  nous  venions  a  une  autre  escole,  et  que  les  meschans  et  incredules  nous  condamnent.  Nous  en  verrons  beaucoup  qui  se  despitent  et  grincent  les  dens,  si  on  leur  gratte  leurs  rongnes  quand  ils  vienent  au  Sermon:  car  voici  leurs  repliques:  L'Escriture  est-elle  faite  pour  piquer  ainsi  les  gens?  et  est-ce  la  facon  qu'on  doit  tenir,  d'enseigner  en  criant  ainsi?  Il  semble  qu'on  vueille  foudroier  contre  nous.  Or  en  la  fin  Dieu  les  enseigne  d'une  autre  sorte:  c'est,  qu'il  faut  que  la