50:112  sum  in  vos.  2.  Rogo  autem,  ne  praesens  audeam  ea  fiducia,  qua  cogito  audax  esse  in  quosdam,  qui  nos  aestimant  ac  si  secundum  carnem  ambularemus.  3.  Nam  in  carne  ambulantes,  non  secundum  carnem  militamus.  4.  Siquidem  arma  militiae  nostrae  non  carnalia  sunt,  sed  potentia  Deo  ad  destructionem  munitionum  j  quibus  consilia  destruimus:  5.  et  omnem  celsitudinem,  quae  extollitur  adversus  cognitionem  Dei:  et  captivam  ducimus  omnem  cogitationem  ad  obediendum  Christo:  6.  et  in  promptu  habemus  vendictam  adversus  omnem  inobedientiam,  quum  impleta  fuerit  vestra  obedientia.  Absoluta  exhortatione  transit  nunc  partim  ad  refellendas  calumnias,  quibus  traductus  erat  a  pseudoapostolis:  partim  ad  reprimendam  quorundam  improborum  petulantiam,  qui  se  in  ordinem  cogi  aegre  patiebantur.  Utrique  ut  Paulo  autoritatem  adimerent,  vehementiam,  qua  in  epistolis  detonabat,  frpaaoSstXtav  interpretabantur,  quod  coram  non  perinde  vultu  et  sermone  ad  ostentationem  compositus,  sed  humilis  foret  atque  abiectus.  Ecce,  dicebant,  hic  qui  suae  tenuitatis  conscientia  adeo  modestus  est  coram  ac  timidus:  nunc  quum  procul  abest,  ferociter  insurgit.  Cur  minus  audet  voce  quam  literis?  an  eminus  nos  terrebit  qui  praesens  est  despectui?  Unde  autem  ista  confidentia,  ut  sibi  omnia  licere  in  nos  putet?  Eiusmodi  voces  spargebant,  ut  eluderent  eius  severitatem,  atque  etiam  odiosam  redderent.  Respondet  Paulus,  se  non  esse  audacem,  nisi  quatenus  necessitate  cogitur.  Humilitatem  vero  corporalis  praesentiae,  ob  quam  habebatur  contemptui,  nihil  de  sua  autoritate  minuere,  quod  spirituali  virtute  excelleret,  non  pompa  carnali.  Itaque  non  impune  evasuros,  qui  suas  vel  exhortationes,  vel  obiurgationes,  vel  minas  deriserint.  In  his  verbis  ipse  ego  emphatica  expressio  est,  ac  si  diceret,  quamvis  malevoli  homines  eum  inaequalitatis  insimulent,  se  tamen  non  esse  varium,  sed  eundem  semper  manere.  1.  Exhortor  vos.  Est  abrupta  oratio,  quales  saepe  sunt  patheticae  orationes.  Sensus  est:  Rogo  vos,  atque  adeo  per  lenitatem  Christi  obtestor,  ne  vestra  contumacia  duriorem  me  esse  cogatis  quam  velim  et  quam  futurus  sum  in  eos,  qui  me  ideo  contemnunt,  quod  nihil  in  speciem  habeam  praeclarum:  neque  spiritualem,  qua  me  Dominus  ornavit,  excellentiam  agnoscunt,  a  qua  potius  aestimandus  eram.  Obsecratio,  qua  utitur,  ex  re  praesenti  sumpta  est:  quum  scilicet  dicit,  per  l  e  n  i  t  a  t  em  et  mansuetudinem  Christi.  Vitio  illi  vertebant  calumniatores,  quod  praesentia  corporalis  parum  dignitatis  haberet:  rursum  quod  procul  per  epistolas  fulminaret.  Utramque  calumniam  apte  repellit,  sicuti  dictum  est.  Sed  hic  testatur  nihil  sibi  magia  esse  cordi  quam  mansuetudinem  Christi  ministro  dignam:  cuius  exemplum  praebuit  ipse  magister.