27:112  nous  disoit:  Gardez-vous  :  et  cependant  que  nous  n'eussions  nul  moyen:  il  sembleroit  qu'il  se  mocquast.  Mais  quand  nous  recourons  a  luy,  et  qu'il  luy  plaist  de  nous  guider,  nous  donnant  esprit  de  prudence  et  discretion,  afin  que  nous  ne  soyons  point  trompez:  quoy  que  Ie  diable  machine,  si  estce  qu'il  ne  profitera  rien,  nous  surmonterons  tousiours  ses  tentations,  voire  nous  laissant  gouverner  par  la  pure  parolle  de  Dieu,  renoncant  a  nos  phantasies,  et  ne  nous  confiant  point  a  nostre  subtilite:  mais  priant  Dieu  qu'il  nous  illumine,  et  que  par  son  S.  Esprit  il  nous  monstre  ce  qui  luy  est  agreable.  Quand  nous  y  procederons  ainsi,  c'est  assavoir  que  l'humilite  sera  coniointe  avec  la  solicitude:  il  est  certain  que  Dieu  nous  tiendra  tousiours  la  main  forte.  Voila  donc  ce  que  nous  avons  a  prattiquer.  C'est  en  premier  lieu  d'estre  vigilans,  et  faire  bon  guet:  et  puis  sachant  que  nous  serions  tantost  seduits,  prions  Dieu  qu'il  nous  munisse,  et  qu'en  nous  deffiant  de  nous-mesmes,  nous  reposions  du  tout  en  luy.  Ces  deux  choses-la  nous  preservent  tellement,  qu'au  milieu  des  tenebres  nous  tiendrons  tousiours  le  bon  chemin.  Et  pourquoy?  Dieu  nous  servira  de  lune,  et  de  soleil,  comme  il  en  est  parle  au  Prophete  Isaie.  Or  cependant  il  monstre  que  le  peuple  d'Israel  seroit  moins  excusable  que  tous  les  incredules  du  monde,  s'il  ne  perseveroit  au  service  de  Dieu,  et  a  la  pure  religion:  car  ii  est  dit:  Que  vous  ne  vous  destourniez  point  Les  hommes  qui  iamais  n'ont  eu  nulle  bonne  instruction  de  nature,  sont  comme  povres  bestes:  mais  quand  une  fois  Dieu  nous  aura  appellez,  et  qu'il  nous  aura  monstre  la  vraye  integrite,  si  puis  apres  nous  faillons,  ce  n'est  pas  comme  les  povres  incredules,  qui  ont  tousiours  este  aveugles,  et  ignorans:  mais  c'est  un  desbauchement  qui  emporte  rebellion,  comme  si  nous  voulions  despitter  nostre  Dieu  en  nous  separant  d'avec  luy,  en  luy  quittant  ceste  alliance  qu'il  avoit  faite  avec  nous,  nous  retenir  en  sa  suiettion.  Ce  mot  donc  doit  bien  estre  poise:  et  sur  tout  de  nous,  qui  auiourd'huy  avons  la  pure  verite  de  l'Evangile,  nous  voyons  tout  a  l'environ  les  povres  aveugles  qui  se  precipitent.  Or  il  y  a  pitie,  d'autant  que  iamais  ils  n'ont  cogneu  quelle  estoit  la  verite  de  Dieu:  si  est-ce  que  cela  ne  les  excuse  point  pourtant.  Or  que  sera-ce  de  nous  au  prix,  veu  que  nostre  Dieu  nous  est  apparu,  veu  qu'il  nous  a  rendu  tesmoignage  que  nous  ne  pourrons  faillir  en  luy  obeissant?  Et  ainsi  advisons  de  poursuyvre  nostre  train,  quand  Dieu  nous  aura  introduit  en  son  obeissance,  et  qu'il  nous  aura  enseignez:  gardons-nous  (di-ie)  de  nous  divertir  en  facon  que  ce  soit,  si  nous  ne  voulons  estre  doublement  coulpables:  et  pensons  a  ceste  sentence:  Que  le  serviteur  qui  cognoist  la  volonte  de  son  maistre,  sera  chastie  au  double,