21:112  aux  hommes?  Finalement  qu'ont  raporte  de  leurs  efforts  ces  opiniastres  Ioachim  Westphale  et  Tileman.  Heshusius,  sinon  qu'ils  se  sont  monstrez  les  plus  ardens  ennemis  de  verite  et  de  concorde,  qui  fussent  en  tous  leurs  quartiers?  Car,  quand  il  luy  a  este  force  d'entrer  au  combat,  il  a  tellement  maintenu  la  verite,  et  combatu  l'ignorance  et  impudence  de  tels  personnages,  qu'il  en  a  acquis  louange,  et  les  dessusdits  toute  vergongne,  voire  mesme  entre  ceux  de  leur  secte  et  nation,  et  l'Eglise  de  Dieu  en  a  este  tant  plus  confermee  en  la  vraye  et  saine  doctrine.  Brief,  ie  croy  qu'il  ne  se  trouvera  heresie  ancienne  ni  renouvellee,  ni  nouvellement  forgee  de  nostre  temps,  laquelle  il  n'ait  destruite  iusques  aux  fondemens.  Car  entre  autres  graces  excellentes,  il  y  en  a  deux  qui  reluisoyent  en  lui:  c'est  assavoir  une  singuliere  vivacite  a  descouvrir  la  ou  gist  la  difficulte  des  matieres:  et  puis  aussi  une  dexterite  merveilleuse  a  coucher  ses  responses,  sans  perdre  une  seule  parole  :  comme  tous  ceux  le  confesseront,  voire  mesmes  les  ennemis  de  l'Evangile,  qui  voudront  attentivement  lire  ses  escrits.  Tant  y  a,  disent  les  autres,  qu'il  vouloit  tout  gouverner.  O  vilaiue  et  fausse  impudence!  quelle  preeminence  a-il  iamais  cerchee?  et  s'il  en  eust  cerche,  qui  l'eust  empesche  d'en  avoir?  avec  qui  eut-il  iamais  debat  du  premier  ou  second  lieu?  Quand  on  luy  a  defere  ce  qui  appartenoit  aux  dons  et  graces  que  Dieu  avoit  mises  en  luy,  quand  a-il  este  veu  [k  4]  change  tant  soit  peu?  quand  se  trouvera-il  avoir  iamais  abuse  de  sa  charge  et  authorite  envers  le  moindre  du  monde?  quand  a-il  entreprins  ne  fait  chose  sans  l'advis  ou  contre  l'opinion  de  ses  compagnons?  Quand  mesmes  il  avoit  acheve  un  livre  de  l'Escriture  en  ses  lecons  ou  sermons,  combien  qu'il  seust  mieux  que  pas  un,  quel  texte  seroit  le  plus  propre  pour  l'edification  de  l'Eglise,  il  n'a  iamais  toutesfois  commence  autre  livre,  qu'il  n'en  demandast  l'advis  de  ses  compagnons.  Brief,  quelle  difference  avons-nous  iamais  veue  entre  luy  et  nous,  sinon  qu'il  nous  surpassoit  tous  en  toute  humilite  entre  autres  vertus,  et  en  ce  qu'il  prenoit  seul  plus  de  peine  que  nous  tous,  et  s'en  acquittoit  non  seulement  fidelement,  mais  aussi  d'un  grand  courage  et  vertueusement,  sans  ostentation  toutesfois,  ni  mesme  apparence  externe?  Car  on  peut  bien  dire  de  luy,  que  Dieu  y  avoit  tellement  besongne,x)  qu'entant  que  la  condition  des  fideles  en  ce  monde  le  peut  porter,  c'estoit  un  homme  qui  avoit  humilite  sans  pusillanimite,  et  magnanimite  sans  orgueil.  Il  y  en  a  aussi  qui  l'ont  fait  prodigue  et  ioueur  :  mais  c'est  du  tout  sans  propos.  2)  Car,  ie  vous  prie,  1)  opere  F.  2)  raison  F.