10.1:112  sa  femme  pour  vaguer  par  pays,  qu'a  la  seconde  fois  il  soit  chastie  par  prison  au  pain  et  a  l'eau,  et  qu'on  lui  denonce  avec  grosses  comminations  qu'il  n'ait  plus  a  faire  le  semblable.  Pour  la  troisieme  fois  qu'on  use  de  plus  grande  rigueur  envers  lui.  Et  s'il  n'y  avoit  nul  amendement,  qu'on  donne  provision  a  la  femme,  qu'elle  ne  soit  plus  liee  a  un  tel  homme,  qui  ne  lui  tiendroit  ne  foy  ne  compagnie.  Si  un  homme  estant  desbauche,  comme  dict  a  este,  abandonnoit  sa  femme,  sans  que  la  dicte  femme  lui  en  eust  donne  occasion,  ou  qu'elle  en  fust  coulpable,  et  que  cela  fust  deuement  cognu  par  3e  tesmoignage  des  voisins  et  familiers,  et  que  la  femme  s'en  vinst  plaindre  demandant  remede:  qu'on  l'admoneste  d'en  faire  diligente  inquisition,  pour  savoir  [page  37]  qu'il  est  devenu:  et  qu'on  appelle  ses  plus  prochains  parens  ou  amis,  s'il  en  a,  pour  savoir  nouvelles  d'eux.  Cependant,  que  la  femme  attende  iusqu'au  bout  de  un  an,  si  elle  ne  pouvoit  savoir  ou  il  est,  se  recommandant  a  Dieu.  L'an  passe,  elle  pourra  venir  au  Consistoire:  et  si  on  cognoit  qu'elle  ait  besoin  de  se  marier,  apres  l'avoir  exhortee,  qu'on  la  renvoye  au  Conseil,  pour  l'adiurer  par  serment  si  elle  ne  sait  pas  ou  il  se  seroit  retire:  et  que  le  semblable  se  face  aux  plus  prochains  parens  et  amis  de  lui.  Apres  cela  qu'on  procede  a  telles  proclamation  que  dit  a  este,  pour  donner  liberte  a  la  dicte  femme  de  se  pouvoir  remarier.  Que  si  l'absent  retournoit  apres,  qu'il  soit  puni  selon  qu'on  verra  estre  raisonnable.  Si  une  femme  se  despart  d'avec  son  mari,  et  s'en  aille  en  un  autre  lieu,  et  que  le  mari  vienne  demander  d'estre  separe  d'elle,  et  mis  en  liberte  de  se  remarier,  qu'on  regarde  si  elle  est  en  lieu  dont  on  la  puisse  evoquer,  ou  pour  le  moins  lui  notifier  qu'elle  ait  a  comparoistre  pour  respondre  a  la  demande  de  son  mari:  et  qu'on  aide  le  mari  de  lettres  et  autres  addresses  pour  ce  faire.  Ce  fait,  qu'on  use  de  telles  proclamation  comme  dit  a  este  ci  dessus,  ayant  premierement  evoque  les  plus  proches  parens,  ou  amis  d'icelle,  pour  les  admonester  de  la  faire  venir  s'ils  peuvent.  Si  elle  comparoit  dedans  le  terme,  et  que  le  mari  refusast  pour  la  suspicion  qu'il  auroit  qu'elle  se  fust  mal  gouvernee  de  son  corps,  et  que  c'est  une  chose  trop  scandaleuse  a  une  femme  d'ainsi  abandonner  [page  38]  son  mari:  qu'on  tasche  de  les  reduire  en  bonne  union,  exhortant  le  mari  a  lui  pardonner  sa  faute.  Toutesfois  s'il  perseveroit  a  faire  instance  de  cela,  qu'on  s'enquiere  du  lieu  ou  elle  a  este,  quelles  gens  elle  a  hantez,  et  comment  elle  s'est  gouvernee:  et  si  on  ne  trouve  point  d'indices  ou  argument  certain  pour  la  conveincre  d'avoir  fausse  la  loyaute  de  mariage,  que  le  mari  soit  contraint  de  so  reconcilier  avec  elle.  Que