9:111  111  SECUNDA  DEFENSIO  112  rapitur,  a  spiritu  libertatis,  quo  praediti  [pag.  150]  sunt  filii  Dei,  nihil  differre.  Quid  enim  prolixa  officii  sui  commendatione  consequitur,  nisi  accedat  causae  cognitio?  Ad  hanc  militiam  se  a  coelesti  duce  extrusum  fuisse  dicit:  nos  vero  nullis  legitimis  auspiciis  theornachian  moliri,  arma  Christo  sedenti  ad  dextram  patris  movere,  infestaque  signa  inferre  eius  militibus.  Nempe  stolidus  ostentator  sibi  nihil  non  arrogat,  impurus  conviciator  in  nos  evomit  sine  ullo  delectu,  quae  sponte  sua  concidunt  antequam  ad  nos  pertingant:  homo  profanus  bacris  sententiis  turpiter  pro  sua  libidinc  abutitur,  non  secus  ac  magi  sacra  verba  ad  impias  incantationes  detorquent.  Mecum  tamen  litigat,  quod  non  animum  addiderim  pugnanti,  sed  potius  increpuerim.  Neque  enim  alio  posse  referri  video  quod  dicit,  bonos  duces  solere  laudibus  et  promissis  milites  suos  animare,  non  increpare  pugnantes.  Utinam  vero  ita  se  gereret,  ut  eum  liceret  animare  tanquam  unum  ex  Christi  militibus.  Quod  autem  eum  admonui,  ut  pedem  a  bello  male  inchoato  retraheret,  frustra  in  eam  partem  torquet,  ac  si  gregariis  militibus  despectis  nobile  [pag.  151]  ex  magno  aliquo  duce  trophaeum  erigere  appeterem.  An  ego  quenquam  lacessivi?  ac  non  potius  adiutorem  me  praebere  studeo,  ut  eodem  a  nobis  animo  propagetur  Christi  regnum?  Sed  observatu  dignum  est  quod  subiicit,  speciem  thrasonicae  iactantiae  referre,  si  quis  cum  ducibus  confligat.  Omnino  hoc  comprobat  exemplum  Westphali.  Quot  enim  et  quales  semel  aggredi  ausus  est?  Vivos  enim  et  mortuos  in  unum  fasciculum  coniiciens,  libello  uno  profligare  omnes  tentavit.  Interim  vero  honorem  suum,  de  quo  alioqui  plus  satis  anxius  est,  nimium  prosternit,  seeum  me  invitum  pugnare  insimulans,  ac  si  non  nisi  cum  quisquiliis  esset  negotium.  Alio  deinde  transit,  non  cessisse  nos  principibus  viris.  Quod  si  vitiosum  est,  qua  fronte  non  lacessitus  in  viros  principes  insurgere  non  dubitavit?  Minus  enim  excusabilis  audacia  est,  quietis  et  tacentibus  bellum  ultro  indicere,  quam  resistere  nos  oppugnantibus.  Verum  ut  parcamus  ad  commune  asylum  fugienti  (istis  enim  hominibus  iam  ad  Lutheri  nomen,  non  secus  ?tque  ad  clypeum  Aiacis  solennis  est  receptus)  quod  tamen  de  nobis  tam  effraeni  impudentia  blaterat,  [pag.  1521  quo  colore  excusabit?  Patronos  nobis  assignat  Carolostadium,  Suinkfeldium,  et  alios  similis  notae,  quos  vocat  Satanae  satellites.  Atqui  de  Suinkfeldio  quid  pridem  scripserim  nec  ipse  ignorat,  et  totus  mundus  mihi  testis  est.  Nam  de  profanis  hominibus,  qui  sacramenta  exinaniunt  verba  faciens,  ipsum  antesignanum  posui.  l)  En  spiritualis  potestas,  qua  nd  mentiendum  quivis  potius  quam  D  In  Commentar.  1  ad  Corinth,  c.  10.