8:111  111  CONGREGATION  112  point  donc  une  sentence  plus  que  notoire?  Contentons-  nous  donc  des  tesmoignages  de  l'Escriture  qui  ont  este  desia  amenez  en  avant,  et  cognoissons  [page  46]  que  sans  cela  mesme,  tous  ceux  qui  s'eslevent  ainsi  a  l'encontre  de  Dieu,  sont  desia  assez  convaincus  par  eux-mesmes,  qu'il  ne  leur  faut  pas  amener  grande  probation.  Et  c'est  merveille  de  faict,  comme  les  hommes  sont  si  presomptueux  de  dire:  O,  voila,  ie  ne  me  puis  contenter  sinon  qu'on  m'amene  une  raison  apparente.  Ie  vous  prie,  y  a-il  plus  suffisante  probation  que  de  dire  ce  que  nous  avons  dit?  que  ce  que  nous  en  sentons  la  dedans  du  coeur?  Mesme  quand  on  auroit  beaucoup  dispute,  et  qu'on  auroit  monstre  les  choses  au  doigt,  y  a-il  approbation  plus  certaine  que  celle  la  que  nous  avons  en  nostre  conscience?  Il  est  bien  certain  que  non.  Et  ainsi  qu'un  chacun  entre  maintenant  en  soy,  et  il  trouvera  sa  condamnation  engravee  en  sa  conscience:  il  trouvera  que  nous  sommes  tous  coupables  de  mort;  que  quand  nous  aurons  bien  regarde  a  nous  de  pres,  il  faudra  qu'un  chacun  de  nous  se  condamne.  Et  comment  donc  allons-nous  dire  puis  apres:  Et  ie  n'en  voy  point  de  raison?  Ceux-la  monstrent  que  iamais  ne  sont  entrez  en  [page  47]  leurs  consciences;  qu'ils  voltigent  en  l'air,  qu'ils  n'apprehendent  point  avec  une  crainte  et  une  reverence  de  Dieu  les  choses  qu'il  nous  monstre;  mais  ils  se  veulent  eslever  sans  cognoistre  que  c'est  de  Dieu  ny  d'eux.  Et  il  faut  que  ces  deux  choses  s'accordent.  Si  nous  voulons  profiter  en  la  doctrine  de  l'Evangile,  il  faut  que  nous  cognoissions  que  c'est  de  Dieu  et  de  nous.  Et  ceux-la  n'en  veulent  rien  cognoistre.  Voila  que  nous  avons  a  retenir  quant  aux  reprouvez,  c'est  assavoir,  que  Dieu  les  reprouve,  d'autant  qu'ils  ne  sont  pas  choisis  et  esleus.  Et  toutesfois  si  faut-il  cognoistre  quo  Dieu  est  iuste,  combien  que  nous  ne  pouvons  pas  comprendre  quelle  est  la  cause.  Car  aussi  ne  faut-il  pas  qu'il  soit  tenu  a  nous  en  rendre  conte.  Contentons-nous  donc  de  savoir,  que  tous  ses  iugemens  sont  avec  equite  et  droiture,  et  que  ceste  iustice  nous  sera  une  fois  cognue  quand  nous  le  verrons  face  a  face.  Et  voila  pourquoy  sainct  Paul,  alleguant  l'exemple  de  Pharaon,  dit  puis  apres  que  Dieu  a  bien  autant  d'authorite,  pour  le  [page  48]  moins  sur  les  hommes,  qu'aura  un  potier  sur  de  la  terre  ou  fange.  Et  ainsi,  quand  Dieu  nous  fait  des  vaisseaux  honorables,  pensons  que  c'est  de  sa  pure  bonte.  Cognoissons  donc  qu'il  nous  pourroit  bien  faire  des  vaisseaux  d'ignominie:  et  quand  il  le  fait,  que  cela  vient  de  nostre  propre  nature,  qu'il  n'est  point  tenu  a  nous  d'en  faire  davantage.  Au  reste,  maintenant,  pour  faire  un  recueil  de  tout  ce  qui  a  este  dit  touchant  l'election  de  Dieu: