6:111  LE  CATECHISME  DE  GEKEVE.  L'ENFANT.  Ouy:  et  qu'on  les  escoute  recevant  en  humilite  la  doctrine  du  Seigneur  par  leur  bouche.  Tellement  que  quiconque  les  mesprise,  et  refuse  de  les  ouyr,  il  reiette  Iesus  Christ,  et  se  separe  de  la  compagnie  des  fideles  (Matth.  10,  40;  Luc  10,  16).  LB  MINISTRE.  Mais  suffit-il  d'avoir  une  fois  este  instruict  par  eux,  ou  s'il  faut  continuer?  L'ENFANT.  Ce  n'est  rien  de  commencer,  si  on  ne  poursuit  et  persevere  tousiours.  Car  iusques  a  la  fin  il  nous  convient  d'estre  tousiours  escoliers  de  Iesus  Christ.  Et  il  a  ordonne  les  ministres  Ecclesiastiques,  pour  nous  enseigner  en  son  nom.  LE  HIN1S1BE.  l)  N'y  a-il  point  d'autre  moyen  outre  la  Parolle,  par  lequel  Dieu  se  communique  a  nous?  L'ENFANT.  Il  a  conioinct  ies  Sacremens  avec  la  predication  de  sa  Parolle.  LE  MINISTRE.  Qu'est-ce  que  Sacrement?  L'ENFANT.  C'est  un  tesmoignage  exterieur  de  la  grace  de  Dieu,  qui  par  signe  visible  nous  represente  les  choses  spirituelles:  afin  d'imprimer  plus  fort  en  noz  cueurs  les  promesses  de  Dieu,  et  nous  en  rendre  plus  certains.  LE  MINISTRE.  Comment?  un  signe  visible  et  materiel  a  il  ceste  vertu  de  certifier  la  conscience?  L'ENFANT.  Non  pas  de  soymesme:  mais  entant  qu'il  est  ordonne  de  Dieu  a  ceste  fin.  LE  MINISTRE.  Veu  que  c'est  le  propre  office  du  sainct  Esprit  de  seeller  les  promesses  de  Dieu  en  noz  cueurs,  comme  attribues-tu  cela  aux  Sacremens?  L'ENFANT.  Il  y  a  grand  difference  entre  l'un  et  l'autre.  Car  l'Esprit  de  Dieu,  a  la  verite,  est  celuy  seul  qui  peut  toucher  et  esmouvoir  noz  cueurs,  illuminer  noz  entendemens,  [fol.  57]  et  asseurer  noz  consciences:  tellement  que  tout  cela  doit  estre  iuge  son  oeuvre  propre,  pour  luy  en  rendre  louenge.  Cependant,  le  Seigneur  s'aide  des  Sacremens,  comme  d'instrumens  inferieurs,  selon  que  bon  luy  semble:  sans  que  la  vertu  de  son  Esprit  en  soit  aucunement  amoindrie.