58:111  l  l  l  SEPTIEME  SERMON  112  qu'ils  fussent  comme  gens  vagabonds  en  la  terre  de  Chanaan.  Puisque  Dieu  a  maintenu  leur  querele,  et  qu'il  s'est  oppose  a  leur  violence  et  a  tout  mal  qu'on  leur  pouvoit  faire:  en  cela  il  a  monstre  la  faveur,  singuliere  qu'il  leur  portoit.  Et  aussi  le  Prophete  aiouste,  que  pour  ceste  cause  il  dit,  Ne  touchez  point  a  mes  Oincts,  et  ne  faites  nulle  iniure  a  mes  Prophetes.  Il  est  vray  qu'il  y  a  eu  vertu  excellente  et  sainctete  en  Abraham  et  en  Isaac:  mais  quoy  qu'il  en  soit,  si  est-ce  qu'auiourd'hui  nous  sommes  oincts  pour  estre  sous  la  garde  de  Dieu,  et  succedons  a  toutes  les  promesses  qui  leur  ont  este  donnees.  Ainsi  donc,  quand  nous  serons  en  petit  nombre,  que  nous  serons  gens  contemptibles,  que  nous  serons  comme  brebis  en  la  gueule  des  loups,  ne  doutons  pas  que  Dieu  n'ait  dequoy  pour  nous  garentir,  et  qu'il  ne  desploie  sa  vertu,  entant  que  besoin  sera,  voire  fust-ce  contre  les  plus  grans  Rois  du  monde.  Car  quelquefois  Dieu  a  bien  permis  que  les  petis  et  ceux  du  commun  populaire,  aient  fasche  et  moleste  ses  serviteurs,  comme  nous  le  verrons  ci  apres,  et  bien  tost.  Quoy  qu'il  en  soit,  quand  il  a  declare  qu'il  prevoioit  la  guerre,  et  se  formalizoit  contre  les  Rois  en  cela  il  a  montre  que  la  vie  de  ses  serviteurs  lui  estoit  chere  et  precieuse.  Esperons  donc  le  semblable,  et  nous  ne  serons  point  frustrez:  Et  quand  nous  verrons  les  grans  de  ce  monde  nous  estre  ennemis,  et  que  iournellement  on  bruira  de  beaucoup  de  fraieurs,  que  nous  ne  doutions  point  que  nostre  Seigneur  ne  remedie  a  tout,  et  qu'il  ne  soit  tousiours  bouclier  pour  repousser  les  coups,  quand  il  semblera  qu'ils  doivent  tomber  sur  nos  testes.  Voila  ce  que  nous  avons  a  pratiquer  en  l'exemple  d'Isaac.  Et  combien  qu'ici  Dieu  n'afflige  pas  Abimelech  comme  au  paravant,  qu'il  ne  le  redargue  pas  comme  il  avoit  fait  le  Roy  d'Egypte:  neantmoins  il  le  tient  en  bride,  et  le  tient  la  comme  en  fraieur:  qu'encore  que  Rebecca  soit  belle,  si  est-ce  que  le  Roy  du  pays  ne  Fappette  point,  voire  cuidant  qu'il  lui  fust  licite  de  la  prendre  a  femme.  Voila  d'un  coste  ce  que  nous  avons  a  noter:  de  l'autre,  c'est  que  neantmoins  Dieu  humilie  Isaac,  et  ne  permet  pas  que  son  infidelite  demeure  du  tout  impunie.  Le  chastiment  est  bien  humain,  mais  il  est  redresse,  quoy  qu'il  en  soit.  Or  si  rien  ne  fust  avenu  a  Isaac,  et  qu'on  ne  se  fust  point  apperceu  que  Rebecca  estoit  sa  femme,  il  s'en  fust  retourne  et  n'eust  iamais  pense  a  la  faute  qu'il  avoit  commise:  et  mesme  il  s'y  fust  pleu,  pource  que  l'evenement  en  eust  este  bon  et  a  souhait,  il  eust  estime  que  Dieu  eust  approuve  cela.  Car  les  hommes,  quand  leurs  fautes  ne  leur  sont  point  remonstrees,  s'y  flattent,  et  s'y  endurcissent.  Or  Dieu  procure  nostre  bien  et  nostre  salut,  quand  il  nous  fait  sentir  nos  pechez,  et  qu'il  nous  corrige  en  telle  sorte,  que  nous