51:111  l  l  l  SERMONS  112  donc,  qu'un  chacun  de  nous  s'accorde,  et  soit  que  nous  Usions  chacun  en  son  prive,  soit  que  nous  soyons  enseignez  en  public,  que  nous  soyons  confermez  en  ceste  parole  qu'il  plaist  a  Dieu  nous  communiquer.  Yoila  en  somme  ce  que  nous  avons  a  retenir  a  fin  que  nous  ayons  tant  plus  grande  affection  a  nous  addonner  du  tout  a  ceste  saincte  parole,  et  qu'elle  soit  receue  en  tant  plus  grande  reverence,  comme  aussi  elle  en  est  bien  digne.  Or  nous  nous  prosternerons  devant  la  maieste  de  nostre  bon  Dieu  et  Pere,  le  cognoissant  comme  nostre  iuge,  sinon  qu'il  ensevelisse  nos  fautes  par  sa  misericorde  infinie,  et  le  prierons  qu'il  luy  plaise  au  nom  de  nostre  Seigneur  Iesus  Christ  nous  recevoir  a.  merci.  Et  cependant  nous  faire  la  grace  de  cheminer  tellement  que  nous  donnions  vraye  approbation  que  nous  sommes  ses  enfans,  et  que  ce  n'est  pas  en  vain  qu'il  nous  a  appelez.  Et  que  ceste  grace-la  aussi  profite  tellement  en  nos  coeurs,  que  nous  y  croissions,  et  y  soyons  confermez  de  plus  en  plus  pour  le  servir  et  adorer  en  toute  nostre  vie  en  vraye  obeissance  de  sa  saincte  parole.  Ainsi  nous  dirons  tous,  Dieu  tout  puissant,  Pere  celeste  etc.  QUARANTEDEUX1EME  SERMON.  GALATES.  Chap.  VI,  v.  12.13.  Ce  n'est  point  sans  cause  que  Dieu  a  tant  exhorte  ceux  qui  devoyent  annoncer  sa  parole  de  ne  point  cercher  la  grace  des  hommes  ou  leur  faveur  :  mais  comme  fermer  les  yeux  a  tout  regard  humain,  a  fin  qu'ils  ne  soyent  point  destournez  ne  ca  ne  la,  ou  empeschez  de  faire  droitement  leur  office.  Mesmes  nous  voyons  qu'il  est  impossible  de  nous  acquitter  droitement,  sinon  que  nous  regardions  a  Dieu,  et  que  nous  destournions  nostre  veue  des  hommes:  car  nous  serons  facilement  ^corrompus  quand  nous  serons  ainsi  menez,  et  ne  *faudra  rien  pour  nous  faire  flechir  ou  d'un  coste  ou  d'autre.  Mais  sur  tout  ceste  constance  est  requise  en  ceux  qui  doivent  porter  la  parole  de  Dieu  :  c'est  qu'ils  ne  soyent  induits  ni  par  ambition  ni  par  avarice  pour  parler  en  faveur  des  hommes  et  pour  leur  complaire,  et  qu'ils  ne  soyent  point  estonnez  de  nulle  menace  ou  peril.  Car  l'experience  monstre  si  tost  qu'un  homme  craindra  sa  peau,  ou  bien  il  aura  esgard  a  son  profit,  qu'en  une  minute  de  temps  il  sera  change.  Vray  est  que  ceux  qui  appetent  ainsi  la  grace  des  hommes  ne  se  declarerent  pas  du  premier  coup  meschans  et  ennemis  de  la  verite:  comme  aussi  nostre  Seigneur  Iesus  au  10.  chap.  de  sainct  Iean  met  distinction  entre  les  mercenaires  et  les  loups.  Apres  qu'il  a  parle  des  bons  pasteurs  et  fideles  lesquels  cerchent  le  salut  commun  du  troupeau,  il  dit  qu'il  y  a  des  loups  ravissans,  ou  des  larrons  qui  ne  demandent  sinon  a  mettre  tout  en  pillage  confusion  et  ruine.  Et  ce  sont  ceux  qui  bataillent  ouvertement  contre  Dieu,  et  taschent  et  s'efforcent  de  renverser  la  pure  doctrine  de  l'Evangile.  Mais  il  y  en  a  qui  nagent  entre  deux  eaux,