50:111  l  l  l  EPIST.  PAULI  AD  CORINTHIOS  II  112  late  contenti:  quia  incredulis,  quos  inquietat  habendi  cura,  nihil  est  magis  ieiunum  vel  famelicum.  Quae  per  vos  producit.  Ab  alio  effectu  illis  commendat  eleemosynas,  quas  erogaturi  erant:  quod  scilicet  cessurae  erant  in  gloriam  Dei.  Et  postea  id  clarius  exprimit  cum  amplificatione,  hoc  modo:  praeter  ordinarium  fructum  caritatis  parient  etiam  gratiarum  actionem.  Amplificat  autem,  quia  per  multos  agentur  gratiae  Deo:  neque  tantum  de  ipsa  liberalitate,  qua  fuerint  adiuti,  sed  de  tota  pietate  Corinthiorum.  M  i  n  i  s  t  e  r  i  um  vocat,  quod  ipse  susceperat  ecclesiarum  rogatu.  Ubi  vero  nos  vertimus  functionem,  graece  est  Xstxoupyta.  Quae  dictio  nunc  sacrificium  significat,  nunc  quodvis  munus  publice  iniunctum:  quorum  utrumque  praesenti  loco  bene  conveniet.  Nam  et  eleemosynas  vocari  sacrificia  non  est  novum.  Et  quemadmodum  distributis  inter  cives  functionibus,  nemo  gravatur  obire  munus  sibi  impositum:  ita  in  ecclesia  communicatio  ex  necessariis  officiis  censeri  debet.  Corinthii  igitur  et  reliqui,  fratres  Ierosolymitanos  sublevando,  sacrificium  Deo  offerebant,  vel  functionem  obibant  legitimam  et  a  se  debitam.  Paulus  sacrificii  minister  erat.  Potest  tamen  etiam  ad  Corinthios  referri  diaconia  vel  ministerium:  sed  parum  refert.  13.  Per  probationem  ministerii  ete.  Probatio  hic  (sicuti  compluribus  aliis  locis)  documentum  vel  experimentum  significat.  Erat  enim  specimen  idoneum  probandae  Corinthiorum  caritati,  quod  erga  fratres  procul  remotos  tam  liberales  erant.  Sed  Paulus  longius  extendit  :  hoc  est,  ad  consentientem  obedientiam  in  evangelio.  Talibus  enim  testimoniis  vere  probamus,  nos  evangelii  doctrinae  obedire.  Consensus  autem  inde  apparet,  quod  communi  omnium  consilio  conferuntur  eleemosynae.  14.  Et  precatione  eorum.  Nullam  utilitatem  omittit,  quae  aliquid  valeat  ad  movendos  Corinthios.  Primo  recensuit  solatium,  quod  sensuri  erant  fideles.  Secundo,  gratiarum  actionem,  qua  glorificandus  erat  Deus.  Imo  hanc  fore  confessionem,  quae  testatum  omnibus  faceret  in  fide  et  pia  obedientia  unanimem  eorum  consensum.  Nunc  adiungit  mercedem,  quam  recepturi  erant  Corinthii  a  sanctis,  nempe  benevolentiam  ex  gratitudine  manantem,  et  intercessiones.  Habebunt,  inquit,  quod  mutuo  rependant:  quia  et  debito  amore  vos  prosequentur,  et  in  precibus  suis  vos  habebunt  apud  Deum  commendatos.  Tandem,  quasi  voti  compos,  ad  laudem  Deo  canendam  evehitur:  quo  suam  fiduciam  quasi  re  iam  confecta  testari  voluit.  CAPUT  X.  1.  Porro  ipse  ego  Paulus  exhortor  vos  per  lenitatem  et  mansuetudinem  Christi,  qui  secundum  faciem  humilis  quidem  sum  inter  vos,  absens  autem  audax