31:111  l  l  l  PSALMUS  X.  112  quia  illis  sua  cupiditas  pra  lege  est,  imo  tanquam  legibus  soluti  licitum  sibi  esse  fingunt  quidquid  libuit.  Principium  recte  agendi  in  tota  vita,  inquisitio  est:  dum  scilicet  neque  temere  pro  nostro  ingenio,  neque  perversae  carnis  nostrae  impetu  rapimur.  Studium  vero  inquirendi  ex  modestia  nascitur,  dum  nobis  Deum  arbitrum  et  moderatorem  praeficimus  ut  aequum  est.  Recte  ergo  propheta  impios  dicit,  omni  delectu  posthabito  quidquid  concupiscunt  secure  aggredi:  quia  elati  superbia  nullam  Deo  iudicii  potestatem  relinquunt.  ttX  n  o  n  dubito  hoc  loco  acceptum  esse  in  proprio  et'nativo  sensu,  non  autem  metaphorice  pro  ira:  quia  fastuosi  homines  vultu  quoque  impudentiam  suam  produnt.  In  secundo  membro  durius  eos  vel  saltem  apertius  accusat  propheta,  quod  omnes  eorum  pravae  cogitationes  ostendant  nullum  illis  esse  Deum.  Quibus  verbis  intelligo,  sacrilega  audacia  fas  omne  et  ius  pervertere,  ac  si  nullus  sederet  in  coelo  Deus.  Nam  si  quem  esse  Deum  persuasi  forent,  comprimeret  eos  futuri  iudicii  metus.  Non  quod  distincte  negent  esse  Deum,  sed  quia  sua  illum  virtute  spoliant,  idoli  autem  instar  erit  Deus,  si  otiosa  essentia  contentus,  iudicis  officio  se  abdicet.  Deum  itaque,  quantum  in  se  est,  abolent  quicunque  mundum  non  subiiciunt  eius  providentiae,  vel  ad  eum  regendum  non  sentiunt  manum  eius  esse  extentam.  Neque  vero  sufficit  frigidam  de  iudicio  Dei  notitiam  concipere;  quia  is  demum  verus  est  providentiae  eius  sensus,  qui  nos  in  eius  reverentia  continet.  Maior  pars  interpretum  generaliter  hoc  sumit,  omnes  impii  hominis  cogitationes  tendere  ad  Deum  negandum.  Ego  H1DTD  (ut  saepe  alias)  in  malam  partem  accipi  arbitror,  pro  astutis  et  iniquis  cogitationibus:  ut  ille  sit  sensus  quem  notavi,  quum  impii  nihil  non  machinari  audeant,  satis  inde  liquere,  omnem  Dei  metum  ex  eorum  cordibus  esse  deletum.  5.  Prosperatur  viae  eius  omni  tempore:  altitudo  iudicia  tua  coram  ipso,  in  omnes  inimicos  suos  sufflat.  6.  Dicit  in  corde  suo:  Non  nutabo  in  generationem  et  generationem  quia  non  in  malo.  In  principio  versus  non  parum  variant  Interpretes.  Graecus,  quia  putabat  a  radice  ^  n  deduci  futurum  17TP>  vertit:  Inquinatae  sunt  viae  eius.  Atqui  inter  Hebraeos  satis  convenit  esse  a  radice  ^>in  Sed  multi  active  sumunt  pro  Terrorem  incutere,  vel  molestiam  afferre:  ac  si  dictum  esset:  Viae  impii  formidabiles  sunt  bonis,  eosque  excruciant.  Quidam  etiam  ad  Deum  referunt,  quod  viae  eius  veniant,  hoc  est  succedant  omni  tempore:  nimis  tamen  coacte,  meo  iudicio.  Sed  quum  in  aliis  scripturae  locis  idem  valeat  quod  prosperari,  miror  de  loco  praesenti  inter  doctos  esse  controversiam,  quum  secundo  membro  mox  clare  osten-