30:111  l  l  l  HOMILIA  LIV,  112  beat  grata  et  accepta,  quam  si  ad  mandata  ipsius  exigantur.  Iam  vero,  agite  ete.  HOMILIA  LIV.  20.  Et  ait  Saul  ad  Samuelem:  Imo  audivi  vocem  Domini,  et  ambulavi  in  via  per  quam  misit  me  Dominus,  et  adduxi  Agag  regem,  et  Amalec  interfeci.  21.  Tulit  autem  de  praeda  populus  oves  et  Ioves  primitias  eorum  quae  caesa  sunt,  ut  immolet  Domino  Deo  tuo  in  Galgalis.  22.  Et  ait  Samuel:  Numquid  vult  Dominus  holocausta  et  victimas,  et  non  potius  ut  obediatur  voci  Domini?  Melior  est  enim  obedientia  quam  victimae,  et  auscultare  magis  quam  offerre  adipem  arietum.  23.  Quoniam  quasi  peccatum  ariolandi  est,  repugnare:  et  quasi  scelus  idololatriae,  nolle  acquiescere.  Pro  eo  ergo  quod  abiecisti  sermonem  Domini,  abiecit  te  ne  sis  rex.  Hesterna  concione  vidimus  Saulis  hypocrisin  in  peccato  a  se  admisso  fuco  tegendo,  eiusdemque  indurationem  adversus  prophetam,  quum  de  peccato  severius  admoneretur.  Sed  iam  aliud  ad  superiora  malum  accedit,  quod  se  divini  nominis  falsum  usurpatorem  ostendit,  quasi  abducta  praeda  tota  fuisset  Domino  dedicata,  et  in  victimas  reservata.  Atqui  longe  aliter  sese  res  habebat.  Populus  enim  Deo  quidem  oves  et  boves  solenni  quodam  sacrificio  ad  agendas  pro  victoria  gratias  obtulisset,  sed  interim  praedae  partem  quisque  abduxisset.  En  quomodo  soleant  homines  Deo  illudere.  Nam  si  quid  in  oblationem  obtulerint,  Deum  sibi  quodammodo  devinctum  arbitrantur,  et  socium  videntur  omnium  maleficiorum,  rapinarum  inquam,  et  fraudum  habituri.  Exemplum  esto  in  hodierno  papatu:  quanquam  omnibus  saeculis  vitium  istud  obtinuit,  etiam  inter  ethnicos,  ut  qui  fraudibus,  rapinis,  furto,  vi  et  crudelitate  et  similibus  factis  magnas  opes  cumulaverant,  solenne  aliquod  festum  instituer  in  t,  aut  aliquod  altare  vel  delubrum  erexerint,  aut  denique  idolum  aliquod  consecrarint  :  quod  hac  ratione  pulchre  Deo  pro  omnibus  offensis  satisfactum  esse  crederent.  Quasi  vero  Deus  velit  in  societatem  venire  latronum  et  praedonum,  et  spolia  cum  ipsis  dividere.  Quare  observemus  Saulem  non  tantum  in  eo  peccasse,  quod  in  populum  culpam  reiicere  conatus  est,  ut  sese  condemnationi  subduceret:  sed  in  eo  maxime  quod  Deo  dicatam  esse  praedae  illius  partem  optimam  existimavit:  neque  enim  ea  erat  mens  populi  detractis  ab  Amalecitis  spoliis.  Quare  tanto  diligentius  cavendum  ne  Dei  nomen  nostris  peccatis  praetexamus:  summa  enim  est  impietas,  post  aliquod  peccatum  sacrosanctum  Dei  nomen