27:111  l  l  l  SERMON  LXXVII.  112  nons  ceste  exhortation:  et  sur  tout  (comme  i'ay  desia  touche)  quand  ii  est  question  du  service  de  Dieu,  sachons  qu'il  ne  faut  rien  pour  nous  esblouyr  les  yeux,  comme  on  le  voit  par  experience.  Quand  la  vraye  religion  et  pure  sera  establie  en  un  lieu,  incontinent  on  l'abastardit:  car  la  nature  des  hommes  porte  cela.  Et  ainsi,  d'autant  plus  nous  faut-il  tenir  comme  serrez,  et  ne  decliner  ne  ca  ne  la,  pour  tousiours  nous  maintenir  en  la  pure  simplicite  de  la  parolle  de  Dieu.  Et  cependant  que  nous  ne  soyons  point  troublez,  si  beaucoup  de  gens  se  destournent  du  droit  chemin:  car  cela  est  naturel.  Et  ainsi  confermons-nous  contre  un  tel  scandale,  quand  nous  voyons  les  corruptions  revenir,  et  que  ceux  qui  estoyent  en  bon  train,  s'abastardissent.  Puis  qu'ainsi  est  que  les  hommes  s'endorment  facilement,  et  qu'ils  ne  pensent  point  a  eux,  ne  trouvons  point  estrange  s'il  ne  faut  rien  pour  les  corrompre.  Voila  comme  ceste  sentence  nous  doit  servir  a  double  usage.  Et  notamment  il  est  dit:  Que  les  coeurs  ne  soyent  point  seduits.  Oar  ce  n'est  point  assez  qu'on  se  garde  de  mal-faire  a  son  escient:  mais  toutes  folles  devotions  sont  aussi  bien  condamnees,  d'autant  que  nostre  Seigneur  ne  veut  point  que  les  hommes  soyent  sages  de  leur  sens  propre,  mais  qu'ils  obeissent  simplement  a  ce  que  Dieu  leur  commande.  On  pensera  avoir  excuse  recevable  devant  Dieu,  quand  on  dira:  I'ay  cuide  bien  faire:  mais  ce  cuider-la  n'est  qu'un  abus,  comme  Moyse  le  monstre  ici.  Et  qu'ainsi  soit,  si  nos  coeurs  sont  seduits,  et  que  les  hommes  n'appercoivent  point  leur  mal,  et  leur  perdition,  mais  qu'ils  facent  leur  conte,  que  Dieu  aura  pour  agreable  ce  qu'ils  suyvent:  toutesfois  les  voici  condamnez  avec  toutes  leurs  bonnes  intentions,  ils  ne  laissent  point  d'offenser  Dieu,  et  en  l'offensant  d'amasser  sa  vengeance  sur  leurs  testes.  Et  pourquoy?  d'autant  qu'ils  n'ont  point  chemine  en  obeissance.  Et  ainsi  apprenons  de  ne  plus  faire  bouclier,  ni  couverture  de  nos  devotions,  comme  ceste  folie  a  par  trop  regne  au  monde:  mais  cognoissons  que  nostre  Seigneur  nous  veut  esclairer  par  sa  parolle,  et  veut  que  nostre  vie  soit  la  reiglee.  Et  puis  qu'il  nous  fait  ce  bien  de  nous  enseigner  ce  qui  est  bon,  que  Satan  n'ait  nulle  entree,  encores  qu'il  circuise  ca  et  la,  et  qu'il  tasche  de  nous  ruiner,  et  que  par  voyes  obliques  il  cerche  tousiours  accez  a  nous,  qu'il  soit  repousse:  que  nous  ayons  cela  bien  resolu  en  nous,  que  nous  n'avons  qu'un  chemin,  duquel  il  ne  nous  est  point  licite  de  nous  destourner  en  facon  que  ce  soit.  Au  reste,  ne  doutons  point,  quand  nous  serons  ainsi  sur  nos  gardes,  que  Dieu  ne  nous  tienne  la  main,  et  qu'il  ne  nous  serre  tellement,  que  Satan  aura  beau  machiner,  qu'il  ne  gagnera  rien  sur  nous.  Car  autrement  ceste  exhortation  seroit  superflue,  si  Dieu