22:111  111  INSTITUTION  PUERILE  DE  LA  DOCTRINE  CHRESTIENNE.  112  Lenfant  Que  ces  choses  sont  vrayes  et  certaines.  Le  maistre.  Cela  sera  vray  et  certain  si  tu  esperes.  La  tierce  partie.  Le  maistre.  As  tu  congnoissance  des  dix  preceptes  de  la  Loy?  Lenfant  Ouy.  Le  maistre.  Recite  les.  Lenfant.  Ie  suis  le  seigneur  ton  Dieu  etc.  Le  maistre.  Que  signifient  ces  parolles:  Ie  suis  le  seigneur  ton  Dieu  etc?  Lenfant.  Elles  nous  denotent  que  nous  ayons  un  vray  Dieu  en  toutes  choses  pour  nostre  Dieu  et  autheur  de  nostre  salut  et  nous  attendions  tout  ayde  de  luy.  Le  maistre.  Pourquoy  deffend  il  d'avoir  aultres  dieux  et  pourquoy  oste  il  les  Images  lesquelles  on  a  de  coustume  d'adorer?  Lenfant.  Pource  que  nostre  nature  est  depravee  et  quelle  n'attend  pas  tousiours  ayde  et  consolation  de  Dieu  mais  daultre  part  et  tasche  de  playre  a  Dieu  par  choses  externes  et  signes  en  delaissant  la  vraye  foy  laquelle  debvons  avoir  en  Dieu.  Le  maistre.  Tu  dys  bien  et  pour  ceste  cause  on  deffend  principallement  ces  deux  choses  :  car  avecques  labolition  des  dieux  lon  oste  aussi  ladoration  faulse  et  service  diceux.  Pour  ce  mets  toy  tousiours  devant  les  yeux  ce  vray  Dieu  et  adore  iceluy  en  tous  lieux  dun  vray  et  franc  esprit.  Mais  que  sensuit  il  apres?