10.1:l  l  l  ORDONNANCES.  quant  a  la  cohabitatio  a  du  lict,  et  qu'en  cela  la  femme  n'est  point  plus  suiecte  au  mari,  que  le  mari  a  la  femme:  si  un  homme  est  conveincu  d'adultere,  et  que  la  femme  demande  a  estre  separee  de  lui,  qu'il  lui  soit  aussi  bien  ottroye,  sinon  que  par  bonnes  admonitions  on  les  peust  reconcilier  ensemble.  Toutesfois  si  la  femme  estoit  tombee  en  adultere  par  la  coulpe  evidente  du  mari,  ou  le  mari  par  la  coulpe  de  la  femme,  tellement  que  tous  deux  fussent  coulpables,  ou  qu'il  se  verifiast  quelque  fraude  qui  eust  este  faite  tendant  a  fin  de  divorce:  [page  35]  en  ce  cas  ils  ne  seront  recevables  a  le  demander.  Si  un  homme  estant  alle  en  voyage  pour  quelque  traffique  de  marchandise  ou  autrement,  sans  estre  desbauche  ni  aliene  de  sa  femme,  et  qu'il  ne  retourne  de  long  temps,  et  qu'on  ne  sache  qu'il  soit  devenu,  tellement  que  par  coniectures  raisonnables  on  le  tienne  pour  mort:  toutesfois  qu'il  ne  soit  permis  a  sa  femme  de  se  remarier  iusques  apres  le  terme  de  dix  ans  passez,  depuis  le  iour  de  son  partement:  sinon  qu'il  y  eust  certains  tesmoignages  de  la  mort  d'icelui,  lesquels  ouys,  on  lui  pourra  donner  conge.  Et  encores  que  la  dicte  permission  de  dix  ans  s'estende  seulement  iusques  la,  que  si  on  avoit  suspicion  ou  par  nouvelles,  ou  par  indices  que  ledict  homme  fust  detenu  prisonnier,  ou  qu'il  fust  empesche  par  quelque  autre  inconvenient,  que  la  dicte  femme  demeure  en  viduite.  Si  un  homme  par  debauchement,  ou  par  quelque  mauvaise  affection,  s'en  va  et  abandonne  le  lieu  de  sa  residence,  que  la  femme  face  diligente  inquisition  pour  savoir  ou  il  se  sera  retire:  et  que  l'ayant  seu,  elle  vienne  demander  lettres  de  provision,  afin  de  le  pouvoir  evoquer,  ou  autrement  contraindre  a  faire  son  devoir,  ou  pour  le  moins  lui  notifier  qu'il  ait  a  retourner  en  son  mesnage,  sur  peine  qu'on  procede  contre  lui  en  son  absence.  Cela  faict,  quand  il  n'y  auroit  nul  moyen  de  le  contraindre  a  retourner,  qu'on  ne  laisse  pas  de  poursuivre  comme  il  lui  aura  [page  36]  este  denonce.  C'est  qu'on  le  proclame  par  trois  dimanches  distans  de  quinze  iours:  tellement  que  le  terme  soit  de  six  sepmaines.  Et  que  le  semblable  se  face  par  trois  fois  en  la  cour  du  lieutenant,  et  qu'on  le  notifie  u,  deux  ou  trois  de  ses  plus  prochains  amis  ou  parens,  s'il  en  a.  S'il  ne  comparoit  point,  que  la  femme  vienne  au  prochain  Consistoire  apres,  pour  demander  separation,  et  qu'on  lui  ottroye,  la  renvoyant  pardevant  Messieurs  pour  en  faire  ordonnance  iuridique:  et  que  celui  qui  aura  este  ainsi  rebelle,  soit  banni  a  tousiours.  S'il  comparoit,  qu'on  les  reconcilie  en  bon  accord,  et  en  la  crainte  de  Dieu.  Si  quelcun  faisoit  mestier  d'ainsi  abandonner