9:110  dum  se  profitetur  fidei  orthodoxae  vindicem.  Primum  quid  hoc  sibi  vult,  profiteri  nihil  esse  alienum  a  professione?  Ego  certe  non  nego  ipsum  profitendo  profiteri:  tantum  cuperem  vere  id  fieri.  Imo  si  res  sermoni  respondeat,  subscriptores  nos  omnes  habiturus  est,  qui  hodie  falsis  eius  commentis  palam  nos  opponere  cogimur.  Ubi  autem  balbutiens  illa  simplicitas,  qua  se  commendat?  Nam  simplicitas  quidem  in  toto  libro  [pag.  148]  nulla  reperietur.  Balbos  vero  tam  e&se  loquaces  praeter  naturam  est.  Nam  quod  ecclesiae  negotium  se  agere  causatur,  verius  dixisset  se  facere:  l)  quando  in  hoc  totus  est,  ut  filiis  Dei  molestiam  afferat.  Vult  tamen  id  esse  poTMiasum,  quia  alioqui  suae  quieti  melius  consuleret.  Quasi  vero  mihi  etiam  non  esset  commodius,  a  scribendo  supersedere,  nisi  ine  ab  aliis  utilibus  studiis  hominis  importunitas  ad  hanc  necessitatem  traheret.  Mihi  quidem  vere  praedicare  licet,  quum  integer  tacendo  maneam,  nec  me  privatim  vulnerent  Westphali  tela,  non  alia,  quam  ut  ecclesiae  prosim,  ratione  adduci  ad  scribendum.  Quonam  autem  loco  apud  suos  ipse  futurus  sit,  nisi  tumultuando  nomen  acquireret,  relinquo  omnibus  aestimandum.  Altius  tibias  suas  inflat,  si  se  non  tantum  pro  ecclesiis  Saxoniae,  sed  pro  aliis  ubique  longe  remotis  decertare  praedicet,  nullam  fore  iactantiam.  Et  tamen  paulo  post  quasi  sui  oblitus,  parum  considerate  adiungit,  nullam  paginam,  in  qua  se  pro  Saxonia  pugnare  iactet,  a  me  prolatum  iri.  Mihi  vero  necesse  non  est  singulas  paginas  evolvere.  Prodeat  liber  ipse  in  medium,  et  autoris  vanitatem  prodat,  [pag.  149]  Quanquam  nescio  quis  eum  pudor  impediat  Saxoniae  patronum  se  profiteri,  qui  totum  orbem  complectitur.  Nam  quasi  solus  totam  molem  sustineat,  dicit  se  propter  longinquas  gentes  latine  scribere.  Ego  vero  communi  omnium  nomine  affirmo  neminem  esse  sani  cerebri,  qui  non  hunc  ei  laborem  libentissime  remittat.  Quod  si  pergat  satagere,  non  aliud  operae  pretium  facturus  est,  nisi  maledicant  omnes,  quorum  gratiam  venatur.  Et  tamen  si  eius  verbis  creditur,  natura  et  assuefactione  usque  adeo  amat  verecundiam  et  modestiam,  ut  duas  istas  virtutes  a  pueritia  semper  habuerit  gratissimos  comites.  Utinam  potius  duces,  ne  a  tergo  relictae  contemptum  sui  ultae  essent,  ut  videmus.  Certe  Westphalos  verecundia  fere  sequitur:  quia  fieri  non  potest,  quin  probrose  deiiciat  Deus,  qui  se  magnifice  in  sublime  attollunt.  Sed  ita  se  transfigurat,  ut  difficilem  faciat  delectum,  qua  ipsum  parte  aggredi  oporteat.  Modestia  et  libertas  servis  Christi,  fateor,  optime  conveniunt:  sed  duo  probanda  restant  Westphalo,  Christi  esse  quam  agit  causam,  et  phreneticum  impetum  quo  agitur  et  1)  qu'il  la  tourmente.