56:110  mais  ils  rapportoyent  les  choses  d'importance  a  Moyse:  et  iugeoyent  de  toutes  choses  moindres.  27.  Et  Moyse  laissa  aller  son  beau-pere,  lequel  s'en  alla  en  son  quartier.  Chapitre  XIX.  1.  En  ce  temps-la,  au  troisieme  mois,  apres  que  les  enfans  d'Israel  furent  sortis  de  la  terre  d'Egypte,  ils  veinrent  au  desert  de  Sinai.  2.  Estans  donc  partis  de  Raphidim,  ils  parveinrent  au  desert  de  Sinai,  et  assirent  leur  ost  au  desert:  Israel  assit  illec  son  ost  contre  la  montagne.  3.  Et  Moyse  monta  a  Dieu:  car  l'Eternel  l'appela  de  la  montagne,  disant,  Tu  diras  ainsi  a  la  maison  de  Iacob,  et  annonceras  aux  enfans  d'Israel,  4.  Vous  avez  veu  ce  que  i'ay  fait  aux  Egyptiens,  et  comment  ie  vous  ay  portez  comme  sur  des  ailes  d'aigles  et  vous  ay  amenez  a  moy.  5.  Or  maintenant  si  vous  obeissez  a  ma  voix,  et  gardez  mon  alliance1),  vous  serez  mon  propre  heritage2)  sur  tous  peuples,  combien  que  toute  la  terre  m'appartiene3).  6.  Et  vous  me  serez  un  royaume  sacerdotal,  et  une  gent  saincte.  Voici  les  propos  que  tu  tiendras  aux  enfans  d'Israel.  7.  Puis  Moyse  veint,  et  appela  les  anciens  du  peuple,  et  proposa  devant  eux  toutes  ces  choses,  que  l'Eternel  avoit  commandees.  8.  Lors  tout  le  peuple  respondit  ensemble,  disant,  Nous  ferons  tout  ce  que  l'Eternel  a  commande.  Et  Moyse  relata  a  l'Eternel  les  paroles  du  peuple.  9.  Lors  l'Eternel  dit  a  Moyse,  Voici,  ie  vien  a  toy  en  obscurite  de  nuee,  afin  que  le  peuple  entende  quand  ie  parleray  a  toy,  et  aussi  qu'il  te  croye  a  perpetuite.  Or  Moyse  avoit  annonce  les  paroles  du  peuple  a  l'Eternel.  10.  Puis  l'Eternel  dit  a  Moyse,  Va-t'en  au  peuple,  et  les  sanctifie  auiourd'huy  et  demain,  et  qu'ils  lavent  leurs  vestemens,  l  l  .  Et  soyent  prests  au  troisieme  iour  :  car  au  troisieme  iour  l'Eternel  descendra  devant  les  yeux  de  tout  le  peuple  sur  la  montagne  de  Sinai.  12.  Or  tu  assigneras  bornes4)  au  peuple  a  l'environ,  disant,  Donnez-vous  garde  de  monter  a  la  montagne,  et  n'attouchez  a  son  extremite.  Quiconque  touchera  a  la  montagne,  mourra  de  mort.  13.  Nulle  main  ne  la  touchera:  autrement  il  gera  lapide  de  pierres,  ou  tire  de  fleches:  soit  beste  soit  homme,  il  ne  vivra  point  Quand  le  cornet  aura  longuement  sonne,  ils  monteront  a  la  montagne.  14.  Et  Moyse  descendit  de  la  montagne  au  peuple,  et  sanctifia  le  peuple,  et  laverent  leurs  vestemens.  15.  Et  il  dit  au  peuple,  Soyez  preparez  au  tiers  iour,  et  n'approchez  point  des  femmes.  16.  Il  adveint  le  troi-  *)  O.  suiv.  pact.  2)  En  marge:  ou,  thresor.  3)  O.  :  car  a  moy  appartient  etc.  4)  54  suiv.  .  termes  O.  suiv.  (et  au  v.  24)  le  dernier  mot  est  conserve  partout  au  v.  23.