50:110  scaturigo,  ex  qua  victus  nobis  fluat.  Huic  cogitationi  reclamat  Paulus,  asserens  tam  semen  porrigi,  quam  victum  subministrari  Dei  gratia,  etiam  agricolis  qui  seminant,  et  qui  putantur  se  et  alios  opera  sua  alere.  Similis  est  sententia  Deut.  8,  16:  Nutrivit  te  Deus  manna,  cibo  patribus  tuis  incognito  :  ne  forte,  quum  veneris  in  terram  quam  daturus  est  tibi,  dicas,  manus  mea  et  fortitudo  mea  paravit  mihi  hanc  opulentiam:  quia  Domiqus  est  qui  dat  virtutem  ad  copias  parandas  ete.  Suppeditet.  Hic  duae  sunt  diversae  lectiones,  etiam  apud  Graecos.  Quaedam  enim  exemplaria  futurum  tempus  habent  in  his  tribus  verbis  supped  i  t  a  r  e  ,  multiplicare,  augere.  Hoc  modo  confirmatio  esset  proximae  sententiae  :  neque  enim  rarum  est  Paulo,  eandem  promissionem  aliis  verbis  repetere,  quo  melius  animis  insideat.  In  aliis  exemplaribus  leguntur  haec  verba  in  modo  infinitivo.  Modum  autem  infinitivum  optativi  loco  interdum  capi  notum  est.  Atque  hanc  lectionem  potius  sequor:  tum  quod  magis  est  recepta,  tum  quod  Paulo  solenne  est,  suas  exhortationes  precationibus  claudere,  quibus  id  ipsum  a  Deo  flagitet  quod  ante  in  doctrina  complexus  fuerat:  quamquam  prior  non  male  quadraret.  Panem  in  cibum.  Duplicem  divinae  erga  nos  benedictionis  fructum  ponit.  Ut  habeamus  quod  nobis  satis  sit  ad  vitam  tolerandam:  deinde  ut  sit  quod  in  aliorum  necessitates  erogemus.  Nam  ut  nobis  solis  non  sumus  nati:  ita  homo  christianus  neque  sibi  debet  vivere,  neque  possidere  in  privatum  usum  quod  habet.  Sementem  et  proventus  i  u  s  t  i  t  i  a  e  ad  eleemosynas  refert.  Proventus  etiam  iustitiae  oblique  reditibus  opponit,  quos  maior  pars  in  cellas,  horrea,  vel  penuaria  recondit,  ut  singuli  quidquid  colligere,  imo  corradere  possunt,  ad  se  locupletandos  ingurgitent.  Priore  materiam  benefaciendi,  altero  opus  ipsum,  vel  officium  caritatis  denotat.  Nam  iustitia  hic  per  synecdochen  pro  beneficentia  capitur.  Ac  si  diceret:  Non  tantum  vobis  suppeditet  Deus  quod  in  proprium  cuiusque  usum  sufficiat,  sed  etiam  ut  fons  liberalitatis  vestrae  perpetuo  fluens  nunquam  exhauriatur.  Quod  si  pars  iustitiae  est  subvenire  proximorum  inopiae,  ut  certe  est  non  postrema:  iniquos  esse  oportet,  qui  hanc  officii  partem  negligunt.  l  l  .  Locupletemini  in  omnem  simplicitatem.  Simplicitatis  nomine  iterum  utitur  ad  exprimendam  verae  benignitatis  naturam,  nempe  quum  reiecta  in  Deum  sollicitudine  alacriter  nostra  in  quoscumque  usus  praecipit,  exponimus.  Has  esse  veras  fidelium  opes  admonet,  quum  in  Dei  providentia  reponentes  victus  sui  sufficientiam,  diffidentia  non  cohibentur  a  benefaciendo.  Nec  abs  re  opulentiae  titulo  insignit  satietatem  simplicis  animi  suaque  mediocri-