5:110  et  praecise  in  filium  animadverterat,  populus  graphiis  confodit.  Ergo  patris  saevitia  hominum  opinione  improbata  est.  Rursum,  si  Tarium  omnes  laudaverunt,  quia  filii  nefarium  facinus  modice  ac  etiam  intra  modum  [pao.  ip2J  punivit:  igitur  publico  decreto  patris  mansuetudo  approbata  est.  Quod  si  bonum  principem  decet  ad  exemplar  boni  patris  formari,  nimirum  mansuetudine  opus  est.  Tarius  hic  de  quo  loquitur  Seneca,  is  est  cuius  meminit  Plinius  Hibi  natur.  lib.  XVIII,  qui  humili  loco  natus,  ab  extrema  paupertate  provectus  ad  summum  fortunae  fastigium  beneficentia  Augusti  etiam  consulatum  adeptus  est.  Contentus  exsilio,  et  exsilio  delegato]  In  hoc  fuit  temperatus  pater,  quod  exsilio  contentus,  mortis  poenam  remisit,  multo  etiam  magis,  quod  tale  exsilium  delegavit  ac  definivit,  nempe  Massiliam,  quae  urbs  antiqua  dignitate,  eximiisque  opibus  atque  ornamentis  pollebat:  ut  videri  potuerit  non  exsulare,  qui  in  eum  locum  relegatus  sit.  Masbilia  urbs  est  Galliae  in  petroso  loco  sita,  Phocaensium  aedificium,  de  qua  lege  Strabonem  libro  IV.,  Iustinum  libro  XLIII.,  Pomponium  Melam  libro  II.  Nam  de  eius  laudibus  Cicero  pluribus  locis,  et  alii.  In  ea  exsulavit  Milo.  Unde  apparet  eos  qui  solum  exsilii  causa  verterent,  eam  sedem  quasi  aptissimam  delegisse,  si  tamen  non  essent  loco  circumscripti.  Et  annua']  Id  est,  sumptus  annuos,  ^eu  annuam  pensionem.  Sic  enim  annua  absolute  dicuntur  alimenta  in  singulos  annos.  Tranquillus  in  Tiberio:  Sed  et  peculio  concesso  a  patre,  praebitisque  annuis  fraudavit  per  speciem  publici  iuris,  quod  nihil  de  iis  Augustus  testamento  cavisset.  Quem  compares  bono  principi]  Bono  principi  Augusto,  bonum  patrem  Tarium:  quorum  in  eadem  causa  alter  bonum  se  patrem  praestitit,  alter  instar  boni  patris  bonum  principem.  Cogniturus  de  filio  Tarius]  Benignitas  Augusti,  et  quod  de  filio  cognitionem  patri  permisit,  quum  posset  ad  se  trahere:  quod  praevidebat  patrem  mitius  acturum:  extraneum  quemvis  iudicem  summo  iure  posse  animadvertere.  Deinde,  quod  patri  affuit  in  consilio,  et  quum  sententiam  rogaretur,  meminit  cui  in  consilio  adesset.  Itaque  non  tantum  quasi  in  parricidam,  sed  quasi  in  filium  sententiam  tulit.  Caesaris  futura  erat  cognitio]  Id  est  inquisitio,  examen.  Livius  lib.  L:  Cognitiones  capitalium  rerum  per  se  solus  sine  consiliis  exercebat.  Iuvenalis  Satyra.  XVI.  :  Iustissima  centurionum  Cognitio  est  igitur  de  milite.  Alias  cognitor  est  familiarissimus  defensor,  qui  praesentis  causam  novit,  et  sic  tuetur  ut  suam,  ut  in-  .  terpretatur  Asconius  in  Divinationem.  In  qua  significatione  saepius  accipit  Cicero.