44:110  dotes  legem.  Non  iubetur  Haggaeus  inquirere  de  tota  lege,  sed  tantum  ut  ad  hanc  quaestionem  respondeant  sacerdotes,  idque  ex  Dei  verbo,  vel  legis  doctrina:  quemadmodum  vulgo  dicunt,  Quaeritur  quid  iuris.  Neque  enim  sacerdotibus  permissum  fuit  quidvis  proferre  sine  discrimine,  sed  erant  duntaxat  legis  interpretes.  Haec  ratio  est  cur  iubeat  Deus  prophetam  suum  inquirere  quid  lex  Mosis  definiat  de  hac  caeremonia.  Finis  autem  est,  ut  populus  ex  legalibus  caeremoniis  convictus  non  litiget,  neque  obstrepat,  sed  agnoscat  damnari  omnia  opera  tanquam  vitiosa,  quae  non  manant  ex  puro  et  sincero  cordis  affectu.  Primo  quaerit  Haggaeus,  si  quis  sumat  carnem  sanctam,  hoc  est,  frustum  aliquod  sacrificii  :  si  quis  sumat,  et  gestet  vel  in  manie  a,  vel  in  ala,  hoc  est  in  ora  vestimenti  sui:  deinde  attingat  vel  panem,  vel  oleum,  vel  quodvis  edulium,  an  sanctificabitur  solo  tactu  quidquid  coniunctum  fuerit  cum  carne  illa  sancta.  Respondent  sacerdotes^  Non.  Hic  etiam  crasse  hallucinantur  interpretes,  quia  sanctificari  accipiunt  pro  inquinari,  omnino  perverse:  quia  duplex  hic  quaestio  proponitur  in  medium,  an  caro  sancta  sanctificet  quidquid  attigerit:  deinde  an  homo  impurus,  et  pollutus  contaminet  quidquid  attigerit.  De  priore  membro  scite  et  vere  respondent  sacerdotes,  non  subesse  tantam  vim  sacrificiis,  ut  sanctificent  quidquid  attigerint:  et  hoc  verum  est.  Secunda  etiam  definitio  optime  convenit,  pollui  scilicet  ab  homine  immundo  quidquid  attingit,  quemadmodum  ubique  lex  pronuntiat.  Iam  propheta  accommodat  doctrinam  illam  ad  praesentem  usum  :  Sic  est,  inquit,  populus  iste,  et  gens  ista,  et  opus  manuum  ipsorum.  Nam  quantisper  polluti  erunt,  etiamsi  multos  sumptus  faciant  in  sacrificiis,  et  se  multum  fatigent  in  colendo  Deo,  non  modo  inanis  est  eorum  labor,  sed  quidquid  offerunt  pollutum  est,  ac  mera  abominatio.  Nunc  tenemus  prophetae  verba.  Atqui  ita  transire  ad  rem  ipsam  operae  pretium  est:  primo  antequam  generaliter  de  causa  praesenti  disseram  notatu  dignum  est  quod  hic  dicit  propheta  se  inquirere  de  lege:  quia  non  fuit  in  arbitrio  sacerdotum  quidvis  proferre  quemadmodum  eo  licentiae  progressos  esse  scimus,  ut  tyrannice  mandarent  quod  Deus  nusquam  praeceperat:  deinde  ut  etiam  prohiberent  populum  a  rebus  licitis,  et  quarum  usus  permissus  fuerat  lege  Dei.  Atqui  hic  non  concedit  tantum  licentiae  sacerdotibus  Haggaeus,  ut  quaerat  quid  ipsi  censeant,  sed  quid  contineat  lex  Domini.  Et  hoc  notatu  dignum  esse  dixi:  quia  exitiale  malum  est,  tyrannicum  imperium  in  conscientias.  Et  tamen  diabolus  hoc  praetextu  semper  corrupit  Dei  cultum  et  omnem  pietatis  doctrinam,  dum  extulit  absque  modo  autoritatem  ecclesiae.  Verum  quidem  est,  fuisse  sacerdotale  officium  plenum  dignitatis,  et  dignum  reverentia:  sed  videndum  semper  est,  ne  quod  sibi