27:110  comme  nous  sommes  fragiles  et  enclins  a  mal,  sinon  que  nous  soyons  retenus  soigneusement  par  la  crainte  de  Dieu,  et  en  meditant  la  doctrine  par  laquelle  il  nous  conduit  et  gouverne.  C'estoit  bien  assez,  ce  semble,  d'avoir  dit:  Observez  les  commandemens  de  vostre  Dieu.  Vous  voyez  ce  qu'il  demande  de  vous:  puis  que  sa  volonte  vous  est  cogneue,  tenez-vous  a  icelle.  Mais  d'autant  que  ies  hommes  sont  vollages,  et  qu'il  ne  faut  rien  pour  les  esgarer  du  bon  chemin,  il  adiouste  encore  cest  advertissement,  qu'on  se  donne  garde:  comme  s'il  disoit:  Qu'on  face  bon  guet.  Pourquoy?  Car  nous  serons  tantost  surprins,  si  nous  ne  veillons  pour  repousser  les  tentations  de  Satan,  et  ses  ruses:  sur  tout  quand  il  est  question  du  service  de  Dieu,  nous  en  sommes  bien  tost  divertis,  il  ne  faut  point  que  d'ailleurs  on  nous  tente,  chacun  trouvera  tousiours  en  sa  phantasie  quelque  semence  de  superstition:  le  cerveau  de  l'homme  (di-ie)  est  comme  une  boutique  d'idolatrie:  qu'il  n'y  ait  point  de  maistre,  encores  chacun  se  forgera  des  idoles,  chacun  pervertira  le  service  de  Dieu.  Car  Satan  ne  dort  pas,  et  ne  cesse  de  nous  envelopper  en  beaucoup  de  folles  fantasies,  et  mauvaises.  Par  cela  donc  nous  pouvons  iuger  combien  ceste  admonition  nous  est  utile,  quand  il  est  dit  que  nous  soyons  vigilans:  mais  aussi  nous  savons  que  la  fragilite  de  nostre  esprit  est  telle,  que  si  nous  ne  sommes  bien  munis,  pour  resister  constamment  aux  tentations  de  Satan,  il  nous  aura  tantost  destournez  de  la  voye  de  salut,  et  de  la  pure  doctrine  de  Dieu.  Et  ainsi  cognoissons  (en  somme)  qu'estans  en  ceste  vie  mortelle,  nous  avons  besoin  d'estre  tousiours  sur  nos  gardes.  Et  pourquoy?  Car  d'un  coste  le  diable  nous  solicite,  et  a  des  ruses  qui  seroyent  pour  nous  circonvenir  a  chacune  minute  de  temps:  et  encores  que  les  tentations  ne  fussent  point  si  grandes,  nous  sommes  tant  infirmes,  qu'il  ne  faut  rien  pour  nous  abbatre.  Puis  qu'ainsi  est,  veillons:  et  sur  tout  quand  l'Esprit  de  Dieu  nous  admonneste  de  ce  faire.  Mais  quoy?  On  voit  comme  nous  sommes  surprins  au  desprouveu:  et  Dieu  punit  nostre  nonchalance,  quand  chacun  s'endort,  comme  si  nous  estions  ici  en  paix  et  en  repos.  Or  il  faut  que  nostre  vie  soit  exercee,  comme  s'il  y  avoit  une  guerre  continuelle:  et  le  diable  n'a  garde  faillir  qu'il  ne  nous  dresse  des  assauts,  et  des  escarmouches  de  tous  costez.  Et  ainsi,  d'autant  que  nous  dormons,  et  que  nostre  ennemi  cependant  fait  le  guet  pour  nous  couper  la  gorge:  c'est  bien  raison  que  nous  soyons  ainsi  veincus.  Car  quand  Dieu  nous  solicite  a  estre  sur  nos  gardes,  et  que  nous  ne  daignons  point  y  penser,  ne  l'invoquer,  ne  nous  remettre  a  luy:  ne  fautil  point  qu'il  nous  monstre  que  ce  n'a  point  este  sans  cause  qu'il  nous  advertissoit?  Et  ainsi  rete-