21:110  poursuivoit  son  labeur.  Or  ce  qu'il  se  tenoit  au  lict,  estoit  pour  aider  a  son  estomach,  [k  1]  comme  aussi,  pour  ceste  mesme  fin,  il  y  faisoit  appliquer  par  plusieurs  fois  tous  les  matins  quelque  linge  chaut.  Voila  comment  il  a  dicte  les  matins  la  pluspart  de  ses  livres,  estant  en  continuel  et  tresheureux  travail  d'esprit.  On  voit  en  somme  par  tout  ce  discours,  le  train  que  cest  excellent  serviteur  de  Dieu  a  suivi  d'une  continuelle  teneur,  s'oubliant  soy-mesme  pour  servir  a  Dieu  et  au  prochain  en  sa  charge  et  vocation.  Cependent  ie  ne  vueil  pas  dissimuler  qu'il  n'a  sceu  tant  faire,  que  Satan  ne  lui  ait  dresse  toutes  les  calomnies  les  plus  effrontees  du  monde  :  mais  ce  n'est  point  chose  nouvelle.  Car  c'est  le  beau  salaire  que  le  monde  a  rendu  de  tout  temps  a  ceux  qui  l'ont  voulu  retirer  de  perdition.  Tant  y  a  que  la  simple  lecture  de  sa  vie  suffit  pour  refuter  tout  ce  dont  on  Ta  blasme.  Et  de  fait,  il  sera  aise  de  le  cognoistre  et  voir  a  l'oeil  par  quelques  exemples  que  ie  toucheray.  Il  s'en  est  trouve  qui  l'ont  appelle  Heretique,  et  pire  qu'heretique,  duquel  ils  ont  forge  un  nouveau  nom  de  Calvinistes.  Mais,  ie  vous  prie,  sa  doctrine,  de  laquelle  il  a  rendu  bon  tesmoignage  longues  annees  et  iusques  a  la  mort,  tant  par  escrits  que  de  bouche  et  par  oeuvres,  ne  fournit-elle  point  de  responses  au  contraire  plus  que  suffisantes?  A^on  leu  en  ses  escrits,  ouy  en  ses  sermons,  ou  veu  en  aucun  de  ses  actes,  rien  qui  tende  a  heresie?  Ains,  au  contraire,  tous  les  trois  ne  monstrent-ils  point  que  c'est  un  homme  qui  n'a  point  parle  de  la  parole  de  Dieu  qu'en  toute  purete,  et  comme  parole  de  Dieu?  brief,  on  peut  dire  qu'il  a  enseigne  aux  autres  la  vraye  piete,  comme  il  en  avoit  aussi  la  substance  en  son  coeur  et  le  goust  nais.  Ambition  a  este  de  long  temps  nommee,  a  bon  droict,  la  mere  des  heresies:  mais  si  on  peut  alleguer  un  seul  argument  d'esprit  ambitieux  en  luy,  ie  suis  content  de  passer  condamnation.  Y  a-il  homme  qui  ait  suivi  plus  grande  simplicite  en  exposition  de  l'Escriture,  et  toutesfois  qui  ait  plus  eu  de  quoy  se  faire  valoir,  s'il  eust  voulu  profaner  l'Escriture  par  subtilitez  et  vaines  ostentations  ?  Vray  est  qu'il  y  a  eu  beaucoup  de  gens  qui  ont  contredit  a  sa  doctrine  :*)  mais  tant  s'en  faut  que  cela  la  doive  rendre  suspecte  envers  toutes  personnss  de  bon  iugement,  que  au  contraire  ce  poinct  seul  pourroit  servir  \h  2]  de  certain  argument  pour  l'approuver,  d'autant  que  nul  ne  s'y  est  iamais  oppose,  qu'il  n'ait  experimente  qu'il  s'adressoit  non  point  contre  un  homme,  mais  contre  un  vray  serviteur  de  Dieu.  Aussi  se  peut-il  affermer  (et  tous  ceux  quil  l'ont  cognu  en  seront  bons  et  suffisans  tesmoins)  que  iamais  il  n'a  eu  ennemi,  qui  en  l'assaillant  n'ait  fait  la  guerre  a  Dieu.  Car  depuis  1)  Comp.  pour  ce  qui  smt  la  premiere  redaction  page  2  suiv.