19:110  sius  quam  par  sit,  et  quandam  naturae  acerbitatem  quae  facile  in  superbiam  transeat.  Quanti  momenti  futurum  sit  quidquid  hic  statuetur,  satis  intelligis,  et  possum  tibi  affirmare,  alios  aliquot  episcopos  esse,  qui  parati  sint  hoc  exemplum  sequi,  si  quid  moderate  statuatur.  Itaque  rogo  ut  istam  causam  non  in  hypothesi  sed  &euxdic  pertractes,  et  ita  quidem  ut  eorum  imperitiae  aliquid  condones  qui  exactam  illam  tuam  brevitatem  non  satis  capiunt.  Crede  mihi,  proderit  multis  hoc  tempore  tuus  hic  labor.  Et  quoniam  tria  praecipue  hic  a  nobis  quaerunt,  unum  quo  adhibito  examine  sint  istiusmodi  homines  admittendi,  alterum  quae  sit  in  iis  habenda  episcopalis  vel  alterius  dignitatis  ratio,  tertium  quid  sit  illis  consulendum  de  temporalium,  quas  vocant,  facultatum  vel  abiectione  vel  retentione,  rogo  te  ut  tuam  super  his  omnibus  sententiam  nobis  exponere  non  graveris  et  quidem  primo  quoque  tempore,  quoad  valetudo  tua  feret.5)  Interea  dum  responsum  tuum  exspectamus,  censuimus  illum  esse  in  ecclesia  recipiendum,  modo  confessioni  et  disciplinae  subscribat.  Recepit  quoque  se  vitae  superioris  veniam  in  publico  coetu  petiturum,  sed  nescio  an  expediat  hoc  urgere.  Nutat  Salignacus,  homo  omnium  istorum  doctissimus  et  integerrimus,  quem  optarem  literis  tuis  instigari,6)  ut  semel  tandem  aperte  Christum  ita  profiteatur,  ut  impietatem  etiam  oppugnet  et  ecclesiae  se  coniungat.  Impudenter  facio,  mi  pater,  dum  haec  onera  tibi  impono,  sed  memineris  mihi,  homini  plus  quam  credas  imperito,  nullum  alium  esse  ad  quem  refugiam.  Succurrit  quidem  mihi  interdum  quod  re~  spondeam,  Dei  gratia,  sed  mihi  conscius  imperitiae  meae,  atque  etiam  facilitatis  nimiae,  malo  saepe  obmutescrere,  quam  temere  in  rebus  tam  seriis  respondere:  sed  ubi  autoritas  tua  accesserit  tum  plane  confidentem  me  senties.  Normendium  nostrum  arbitror  hodie  ad  suos7)  profectum,  ut  statum  rerum  suarum  praesens  cognoscat.  Uxorem  et  familiam  tibi  commendo.  Bene  vale,  mi  pater,  cum  collegis  et  amicis  omnibus.  Dominus  Iesus  te  servet.  Parisiis  9.  Novembris.  Tuus  Beza.  5)  Vide  Consilia  Tomi  X.  Parte  I.  edita  p.  184.  6)  N.  3615.  7)  Noviodunum.