10.1:110  Pareillement  que  nul  ne  prenne  la  relaissee  de  son  nepveu,  ou  de  son  arriere  nepveu:  et  que  nulle  femme  aussi  ne  prenne  le  mari  de  sa  niepce,  ou  arriere  niepce.  Que  nul  ne  prenne  la  relaissee  de  son  frere,  et  que  [page  33]  nulle  femme  ne  puisse  prendre  celui  qui  aura  este  mari  de  sa  soeur.  Que  celui  qui  aura  commis  adultere  avec  la  femme  d'autruy,  quand  il  sera  venu  en  notice,  ne  la  puisse  prendre  en  mariage,  pour  le  scandale  et  les  dangers  qui  y  sont.  Si  un  mari  ne  vit  point  en  paix  avec  sa  femme,  mais  qu'ils  ayent  questions  et  debats  ensemble,  que  on  les  appelle  au  Consistoire,  pour  les  admonester  de  vivre  en  bonne  concorde  et  union,  et  remonstrer  a  chacun  ses  fautes  selon  l'exigence  du  cas.  Si  on  cognoit  qu'un  mari  traitte  mal  sa  femme,  la  battant  et  tourmentant,  ou  qu'il  la  menace  de  lui  faire  quelque  outrage,  et  qu'on  le  cognoisse  homme  de  colere  desordonnee:  qu'il  soit  renvoye  par  devant  le  Conseil,  pour  lui  faire  defenses  expresses  de  ne  la  battre,  sous  certaine  punition.  Pour  quelles  causes  un  mariage  doit  estre  deciaire  nul.  S'il  advient  qu'une  femme  se  plaigne  que  celui  qui  l'aura  prinse  en  mariage  soit  maleficio  de  nature,  ne  pouvant  avoir  compagnie  de  femme,  et  que  cela  se  trouve  vray  par  confession,  ou  visitation:  que  le  mariage  soit  declare  nul,  et  la  femme  declaree  libre,  et  defenses  faites  a  l'homme  de  ne  plus  abuser  nulle  femme.  [page  34]  Pareillement  si  l'homme  se  complaind  de  ne  pouvoir  habiter  avec  sa  femme  par  quelque  defaut  qui  sera  en  son  corps,  et  qu'elle  ne  veuille  souffrir  qu'on  y  remedie:  apres  avoir  cognu  la  verite  du  faict,  que  le  mariage  soit  declaire  nul.  Pour  quelles  causes  le  Mariage  peut  estre  rescinde.  Si  un  mari  accuse  sa  femme  d'adultere,  et  qu'il  la  prouve  telle  par  tesmoignages,  ou  indices  suffisans,  et  demande  d'estre  separe  par  divorce,  qu'on  luy  ottroye:  et  par  ce  moyen  qu'il  ait  puissance  de  se  marier  ou  bon  luy  semblera,  combien  qu'on  le  pourra  exhorter  de  pardonner  a  sa  dicte  femme:  mais  qu'on  ne  luy  en  face  point  d'instance,  pour  le  contraindre  outre  son  bon  gre.  Combien  qu'anciennement  le  droict  de  la  femme  n'ait  point  este  egal  a  celuy  du  mari  en  cas  de  divorce:  puis  que  selon  le  tesmoignage  de  l'apostre,  l'obligation  est  mutuelle  et  reciproque