7:11  11  ARTICULI  FACULTATIS  PARISIENSIS  definit,  quid  hoc  nomine  intelligat:  dum  iubet  innovari  corda,  circumcidi  Domino,  auferri  praeputium,  lavari,  et  cessare  a  malis  studiis,  solvere  fasciculum  iniquitatis  intus  ligatum,  scindere  corda  et  non  vestimenta,  exuere  veterem  hominem,  renunciare  propriis  desideriis,  et  renovari  in  imaginem  Dei:  praeterea,  fructus  etiam  poenitentiae  commemorat,  caritatis  officia,  et  exercitia  piae  ac  sanctae  vitae  (Ez.  18,  31;  Ier.  4,  4;  Is.  1,  16  et  58,  6;  Ioel  2,  13;  Rom.  6,  6;  Col.  3,  10.  14;  Eph.  4,  22  ete).  De  confessione  ad  aurem  sacerdotis  facienda,  nulla  usquam  mentio.  De  satisfactione  multo  minus.  Quin  etiam  constat  ante  Innocentium  tertium,  nullam  confitendi  necessitatem  impositam  fuisse  christiano  populo.  Exstat  enim  decretum  eius,  factum  in  concilio  lateranensi.x)  Ergo  per  annos  mille  circiter  et  ducentos  incognita  fuit  christianae  ecclesiae  haec  theologia,  quod  ad  poenitentiam  necessario  requiratur  vocalis  confessio.  Et  clara  sunt  verba  Chrysostomi:  2)  Non  dico,  ut  conservo  tuo  confitearis:  dicito  Domino.  Item:  Non  est  necesse  coram  testibus  confiteri;  cogitatione  fiat  delictorum  exquisitio:  sine  teste  sit  hoc  iudicium:  solus  Deus  te  confitentem  videat.  Item:  Non  te  voco  in  hominum  theatrum;  ostende  Deo  optimo  medico  tua  vulnera,  qui  ea  curet.  Confitendi  quidem  morem  non  nego  vetustissimum  esse.  Sed  dico  fuisse  liberum,  sicut  Sozomenus  refert  in  Historia  ecclesiastica,  3)  qui  etiam  abolitum  fuisse  Constantinopoli  testis  est,  quod  sub  hoc  praetextu  matrona  quaedam  deprehensa  fuisset  cum  diacono  rem  habere.  Quod  autem  pauci  tantum  confiterentur,  ex  eo  apparet,  quod  unum  tantum  presbyterum,  in  unoquoque  episcopatu,  ad  eam  rem  destinatum  fuisse  narrat.  Unde  etiam  colligere  promptum  est.  hunc  morem  ex  solenni  publicae  poenitentiae  rifcu  fuisse  natum.  Poenitentia  vero  publica,  non  Deum  in  foro  conscientiae  respicit,  sed  ad  ecclesiae  iudicium  spectat:  ut  peccator  coram  hominibus  profiteatur  aliquo  signo,  quid  animi  coram  Deo  habeat.  Quod  ad  satisfactiones  pertinet  scriptura  hanc  laudem  Christo  in  solidum  vindicat,  quod  sit  expiatio  pro  peccatis,  quod  correctio  pacis  nostrae  sit;  super  eum,  quod  per  solum  eius  nomen,  obtinenda  sit  peccatorum  remissio  (1  Ioann.  2,  2;  Is.  53,  5;  Act.  10,  43;  Rom.  4,  6).  Quantum  ad  nos,  gratuite  et  sine  operibus  impleri,  testatur  Paulus,  in  nobis  hanc  beatitudinem,  quod  nobis  non  imputentur  peccata.  Satisfactiones  autem  quas  in  poenitentiae  testimonium  ecclesia  a  peccatoribus  exigit,  non  improbamus.  1)  Can.  Omnis  utriusque  sexus.  2)  Homil.  2.  ia  Psal.  50.  sermon,  de  poenit,  et  confess.  Homil  5.  contra  Anomoeos.  Homil.  4.  de  Lazaro.  3)  Trip.  histor.  libr.  9.