6:ll  LE  CATECHISME  DE  GENE  FE.  LE  MINISTRE.  l  )  Or  afin  que  ces  choses  soyent  deduites  par  ordre,  et  exposees  plus  au  long,  quel  est  le  premier  poinct?  Ii  ENI  ANT.  [fol.  3]  C'est  d'avoir  nostre  fiance  en  Dieu.  LE  MINISTRE.  Comment  cela  se  peut-il  faire?  L'ENFANT.  C'est  premierement  de  le  congnoistre  tout  puissant  et  tout  bon.  '  LE  MINISTRE.  Suffit-il  de  cela?  L'ENFANT.  Non.  LE  MINISTRE.  La  raison?  L'ENFANT.  Pource  que  nous  ne  sommes  pas  dignes  qu'il  demonstre  sa  puissance  pour  nous  aider,  ne  qu'il  use  de  sa  bonte  envers  nous.  LE  MINISTRE.  Que  faut-il  donc  plus?  L'ENFANT.  Que  nous  soyons  certains  qu'il  nous  ayme,  et  nous  veut  estre  Fere  et  Sauveur.  LE  MINISTRE.  Comment  congnoissons-nous  cela?  L'ENFANT.  Par  sa  parolle,  ou  il  nous  declaire  sa  misericorde  en  Iesus  Christ,  et  nous  asseure  de  sa  dilection  envers  nous.  LE  MINISTRE.  Le  fondement  donc  d'avoir  vraye  fiance  en  DIEU,  c'est  de  le  congnoistre  en  IESUS  CHRIST  (Iean  17,3).  L'ENFANT.  Voire.  LE  MINISTRE.  Mais  quelle  est  en  somme  la  substance  de  ceste  congnoissance?  L'ENFANT.  Elle  est  comprinse  en  la  confession  de  Foy  que  font  tous  Chrestiens:  laquelle  on  appelle  communement  le  Symbole  des  Apostres:  pource  que  c'est  un  sommaire  de  la  vraye  creance  qu'on  a  tousiours  tenu  en  la  Chrestiente:  et  aussi  qui  est  tire  de  la  pure  doctrine  apostolique.  LE  MINISTRE.  Recite  ce  qui  y  est  dict.