56:11  l  l  GENESE.  12  Chapitre  V.  1.  C'est-ci  le  registre  des  generations  d'Adam,  depuis  le  temps  que  Dieu  crea  l'homme,  et  le  fit  a  la  similitude  de  Dieu.  2.  Tant  masle  que  femelle  il  les  crea,  et  les  benit:  et  appella  leur  nom  Homme,  au  iour  de  leur  creation.  3.  Adam  donc  vesquit  cent  trente  ans,  et  engendra  un  fils  a  sa  semblance  selon  son  image,  et  appela  son  nom  Seth.  4.  Et  les  iours  d'Adam  apres  qu'il  eut  engendre  Seth,  furent  huit  cens  ans:  et  engendra  fils  et  filles.  5.  Tout  le  temps  donc  qu'Adam  vesquit,  fut  neuf  cens  trente  ans:  puis  mourut.  6.  Item  Seth  vesquit  cent  cinq  ans,  et  engendra  Enos.  7.  Et  Seth  vesquit  apres  qu'il  eut  engendre  Enos,  huit  cens  sept  ans,  et  engendra  fils  et  filles.  8.  Tout  le  temps  donc  que  Seth  vesquit,  fut  neuf  cens  douze  ans:  puis  mourut.  9.  Item  Enos  vesquit  nonante  ans,  et  engendra  Cainan.  IO.  Et  Enos  apres  qu'il  eut  engendre  Cainan,  vesquit  huit  cens  quinze  ans,  et  engendra  fils  et  filles,  l  l  .  Tout  le  temps  donc  d'Enos  fut  neuf  cens  cinq  ans:  puis  mourut.  12.  Item  Cainan  vesquit  septante  ans,  et  engendra  Mahalaleel.  13.  Cainan  apres  qu'il  eut  engendre  Mahalaleel,  vesquit  huit  cens  quarente  ans,  et  engendra  fils  et  filles.  14.  Tout  le  temps  donc  de  Cainan,  fut  neuf  cens  dix  ans  :  puis  mourut.  15.  Item  Mahalaleel  vesquit  soixante  cinq  ans,  et  engendra  Iared.  16.  Et  Mahalaleel  apres  qu'il  eut  engendre  Iared,  vesquit  huit  cens  trente  ans,  et  engendra  fils  et  filles.  17.  Tout  le  temps  donc  de  Mahalaleel,  fut  huit  cens  nonante  cinq  ans:  puis  mourut.  18.  Item  Iared  vesquit  cent  soixante  deux  ans,  et  engendra  Henoch.  19.  Et  Iared  apres  avoir  engendre  Henoch,  vesquit  huit  cens  ans,  et  engendra  fils  et  filles.  20.  Tout  le  temps  donc  de  Iared,  fut  neuf  cens  soixante  deux  ans:  puis  mourut.  21.  Item  Henoch  vesquit  soixante  cinq  ans,  et  engendra  Mathusala.  22.  Et  Henoch  apres  qu'il  eut  engendre  Mathusala,  chemina  selon  Dieu  trois  cens  ans,  et  engendra  fils  et  filles.  23.  Tout  le  temps  donc  d'Henoch,  fut  trois  cens  soixante  cinq  ans.  24.  Ainsi  Henoch  chemina  selon  Dieu  et  n'apparut  plus:  car  Dieu  le  transporta.  25.  Item  Mathusala  vesquit  cent  octante  sept  ans,  et  engendra  Lamech.  26.  Et  Mathusala  apres  avoir  eu  engendre  Lamech,  vesquit  sept  cens  et  octante  deux  ans  et  engendra  fils  et  filles.  27.  Tout  le  temps  donc  de  Mathusala,  fut  neuf  cens  soixante  neuf  ans:  puis  mourut.  28.  Item  Lamech  vesquit  cent  octante  deux  ans,  et  engendra  un  fils.  29.  Et  appela  son  nom  Noe,  disant,  Cestuy-ci  nous  consolera  en  nostre  oeuvre,  et  au  travail  de  nos  mains,  en  la  terre  que  l'Eternel  a  maudite.  30.  Et  Lamech  apres  qu'il  eut  engendre  Noe,  vesquit  cinq  cens  nonante  cinq  ans,  et  engendra  fils  et  filles.