54:11  11  SERMON  I  12  sont  inferieurs  a  luy,  et  ne  laissent  pas  de  nous  estre  peres,  et  nous  sommes  leurs  enfans:  voire  quand  ils  nous  apportent  la  semence  incorruptible,  par  laquelle  nous  sommes  regenerez  pour  estre  enfans  de  Dieu:  quand  aussi  ils  nous  nourriront  de  ceste  mesme  doctrine.  Car  les  Evesques  de  la  Papaute  se  pourront  bien  nommer  peres  (comme  ils  se  nomment),  mais  cependant  ils  n'ont  dequoy  pour  usurper  une  telle  dignite.  Car  il  est  dit  que  nous  sommes  faits  enfans  de  Dieu  par  l'Evangile,  qui  est  la  semence  incorruptible.  Maintenant  tous  ceux  qui  ne  preschent  point  l'Evangile,  ne  peuvent  alleguer  aucune  paternite,  ou  bien  ils  engendrent  des  enfans  bastards  que  Dieu  desavoue  et  reprouve.  Notons  bien  donc  quand  sainct  Paul  s'est  ici  attribue  l'honneur  de  pere,  que  ce  n'a  este  sinon  au  regard  de  l'Evangile  qu'il  portoit:  et  puis  qu'il  estoit  ministre  de  Dieu,  qu'il  a  engendre  les  ames.  Et  en  cela  voyons-nous  comme  Dieu  besongne  par  la  parole  qui  nous  est  preschee,  qu'il  n'y  a  point  une  voix  qui  sonne  seulement  en  l'air,  et  qui  s'escoule:  mais  Dieu  adiouste  la  vertu  de  son  sainct  Esprit,  tellement  que  nous  profitons  quand  chacun  se  retire  ainsi  entre  les  mains  de  Dieu.  Il  est  certain  que  si  nous  venons  au  temple,  nous  n'orrous  pas  seulement  homme  mortel  parler,  mais  nous  sentirons  que  Dieu  parle  a  nos  ames  qu'il  est  maistre,  voire  par  sa  vertu  secrete:  il  nous  touche  tellement  que  la  voix  humaine  entre  au  dedans,  et  qu'elle  nous  profite  tellement  que  nous  en  sommes  restaurez  et  nourris.  Voila  ce  que  nous  avons  a  retenir  sous  ce  mot  de  Pere.  Et  cependant  il  n'y  a  nulle  doute  que  sainct  Paul  n'ait  ici  propose  Timothee  comme  un  exemple  a  tous  fideles.  Et  ainsi  il  nous  exhorte  que  nous  souffrions  paisiblement  d'estre  reduits  a  Dieu  par  la  doctrine  de  l'Evangile,  et  que  ceux  qui  nous  apportent  ceste  doctrine-la,  soyent  receus  de  nous  comme  peres,  non  point  pour  en  faire  des  idoles,  non  point  pour  amoindrir  en  facon  que  ce  soit  l'honneur  de  Dieu,  mais  pour  nous  servir  d'eux  selon  que  Dieu  nous  les  a  comme  dediez:  et  puis  qu'il  veut  desployer  sa  vertu  par  leur  moyen,  que  leur  labeur  ne  soit  point  inutile  envers  nous.  Notons  bien  doncques  que  Timothee  nous  monstre  ici  Ie  chemin,  que  si  nous  voulons  estre  tenus  pour  enfans  de  Dieu,  il  nous  faut  ranger  a  l'obeissance  de  sa  Parole  tellejnent  que  ceux  qui  nous  anoncent  l'Evangile,  soyent  escoutez  de  nous,  voire  nous  soumettans  a  ce  qu'ils  nous  apportent  au  nom  de  Dieu,  en  toute  docilite  et  reverence.  Et  voila  pourquoy  notamment  il  est  dit  par  la  Prophete  Isaie,  I'ay  mis  ma  parole  en  vostre  bouche.  Et  quand  Dieu  dit  qu'il  sera  cognu  pour  Pere,  il  adiouste  que  l'Eglise  est  mere  de  tous  ses  enfans.  Au  reste,  si  Timothee  qui  estoit  eleu  de  Dieu  comme  une